وتاندىق تەلەارنالارداعى شەتەلدىك سەريالدار مەن ويىن-ساۋىق باعدارلامالار 30 پايىزعا قىسقارادى. بۇل تۋرالى اقپارات جانە قوعامدىق دامۋ ءمينيسترى ايدا بالاەۆا قر پرەزيدەنتى تەلەراديوكەشەنىنىڭ YouTube ارناسىنداعى "بالاەۆاعا 3 سۇراق" باعدارلاماسىندا ايتتى, - دەپ حابارلايدى Egemen.kz.
"تەلەارنالاردا جاڭا ماۋسىمدا بىرقاتار وزگەرىس بولادى. مىسالى, شەتەلدىك سەريالدار مەن ويىن-ساۋىق باعدارلامالارى 30 پايىزعا قىسقارادى. مۇنى كورەرمەندەر بايقايدى دەگەن ويدامىن. بۇل سەريالدار مۇلدە بولمايدى دەگەن ءسوز ەمەس. ياعني, بۇل باعىتتى قولدايتىن اۋديتوريانىڭ دا مۇددەسى ەسكەرىلەدى. دەگەنمەن نەگىزگى باعىت اناليتيكالىق جانە اعارتۋشىلىق كونتەنتكە باسىمدىق بەرىلەدى", - دەي كەلە مينيستر "ەلارنا" تەلەارناسى مادەنيەت جانە ءبىلىم سالاسىندا اقپارات تاراتاتىنىن ايتتى.
سونىمەن قاتار ول Kazakh TV ارناسىنىڭ اتى وزگەرتىلۋى مۇمكىن ەكەنىن ءسوز ەتتى.
"تاعى ءبىر جاڭالىق, ء"ال فارابي" ارناسى ىسكە قوسىلمايدى. قازىرگى ەكونوميكالىق جاعدايعا بايلانىستى قولدا بار رەسۋرستى بارىنشا قولدانۋ كەرەك دەگەن شەشىم قابىلداندى", - دەدى ا.بالاەۆا.