ەلىمىزدىڭ تۇكپىر-تۇكپىرىنەن زارداپ شەككەندەر مەديتسينالىق مەكەمەگە جەتكىزىلۋدە. بۇل تۋرالى ەلوردا اكىمدىگىنىڭ رەسمي سايتىنا سىلتەمە جاساي وتىرىپ Egemen.kz حابارلايدى.
بۇگىن نۇر-سۇلتان قالاسىنىڭ №1 كوپبەيىندى اۋرۋحاناسىندا كۇيىككە قارسى جاڭا كەشەننىڭ جۇمىسىمەن تانىستىرۋ شاراسى ءوتتى. كۇيىك جاراقاتىمەن ناۋقاستاردى ەمدەۋگە مامانداندىرىلعان جالعىز بولىمشە وسى قالالىق اۋرۋحانادا. قۇنى 30 ملن تەڭگەدەن جوعارى جاڭا اپپاراتتىڭ دەمەۋشىسى "EurasianResourcesGroup" كومپانياسى.
ء"بىزدىڭ اۋرۋحاناعا ەلىمىزدىڭ بارلىق وڭىرلەرىنەن پاتسيەنتتەر كەلەدى. مۇندا دارىگەرلەر كولەمدى كۇيىك جاراقاتتارىمەن, دەنەسىنىڭ 50%-دان ارتىق زاقىمدانۋىمەن شۇعىل جەتكىزىلگەن ناۋقاستاردىڭ ءومىرىن ساقتاپ قالۋ ءۇشىن جانتالاسىپ قىزمەت ىستەيدى. ءبىر جىل ىشىندە بولىمشەدە 50-دەن استام ناۋقاس ەم الىپ شىعادى. ولاردى جوعارى بىلىكتى ماماندار ەمدەيدى. جاڭا جابدىق دارىگەرلەردىڭ جۇمىسىن الدەقايدا جەڭىلدەتەدى جانە ناۋقاستاردىڭ تەز قالپىنا كەلۋىنە كومەكتەسەدى دەپ سەنەمىز", دەيدى №1 كوپبەيىندى قالالىق اۋرۋحانا ديرەكتورى مارات ابدۋوۆ.
كۇيىككە قارسى كەشەنگە اۋا-سۇيىقتاندىرۋ توسەگى, ۋلترادىبىستىق ديسسەكتور جانە ارگونوكۇشەيتىلگەن كواگۋلياتور كىرەدى. كۇيىككە قارسى كەرەۋەت كەشەننىڭ ماڭىزدى قۇراۋشىلارىنىڭ ءبىرى. ونىڭ جۇمىسى كوتەرىپ كەلە جاتقان اۋا اعىنىنىڭ اسەرىنەن جالعان سۇيىقتىققا, سۇيىقتاندىرۋ كۇيىنە اينالاتىن سۋسىمالى ماتەريالدىڭ (شىنى كىشكەنە شارلارى) قاسيەتىنە نەگىزدەلگەن.
بۇل زارداپ شەككەن ايماقتاردىڭ جۇمساق تىندەرىنىڭ قىسىلۋىن, اۋىرسىنۋدى ازايتادى جانە كولەمدى كۇيىكتەرى بار پاتسيەنتتەردە جازىلۋ پروتسەسىن جىلدامداتادى. كەرەۋەت اينالاسىنداعى كەڭىستىك زالالسىزداندىرىلىپ, ارنايى اۋا اعىنىمەن كەپتىرىلەدى. كەرەۋەت ەلەكترلىك كوتەرگىشپەن جابدىقتالعان, ول دارىگەرلەرگە پاتسيەنتتى قولاربادان كەرەۋەتكە جانە قايتا كوتەرۋ كەزىندە پاتسيەنتتىڭ تەپە-تەڭدىگىن ساقتاۋعا مۇمكىندىك بەرەدى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ۇشىن Telegram جەلىسىندە بىزگە جازىلىڭىز.