نەمىس عالىمدارى COVID-19-دىڭ تارالۋ تابيعاتىن تانۋدى زەرتتەۋ ءۇشىن قىزىقتى تاجىريبە جاسادى, دەپ حابارلايدى Egemen.kz.
لەيپتسيگ قالاسىندا 22 تامىزدا تانىمال ءانشى تيم بەندجكونىڭ ءبىر كۇندە قاتارىنان 3 كونتسەرتى ۇيىمداستىرىلعان. تاجىريبەنىڭ ءمانى سول, 3 كونتسەرتتە تىڭداۋشىلار ءتۇرلى قالىپتى ۇستانۋى ءتيىس بولعان كورىنەدى.
بىرىندە, بەلگىلى اراقاشىقتىق ۇستالۋى قاتاڭ ساقتالسا, ەكىنشىسىندە, ول ءتىپتى دە ەسكەرىلمەيدى. گاللە-ۆيتتەنبەرگ ۋنيۆەرسيتەتىنىڭ عالىمدارى تاجىريبەگە قاتىسقان 1400 ادامنان الدىن الا ۆيرۋسقا تەست الىپ, بارلىعىنا بىردەي بەتتەرىن تۇمشالاۋدى تاپسىرعان. ءار كورەرمەنگە ارنايى ءجۇرىس-تۇرىسىن باقىلاپ وتىراتىن شاعىن قۇرىلعى بەرۋمەن قاتار, ولاردىڭ قولدارىن فلۋورەستسەنتتى دەزينفەكتسيالىق ەرتىندىلەرمەن زارارسىزداندىعان.
وسىلايشا 1400 ادامنىڭ قولدارى تيگەن جەرلەردى دە انىقتاپ وتىرۋعا مۇمكىندىك الادى. سونىمەن بىرگە جابىق عيمارات ىشىندە اۋادا ۆيرۋستى الىپ ۇشاتىن اعىنداردى دا زەرتتەگەن عالىمدار تاجىريبە ناتيجەسىندە كۆي-دىڭ تارالۋ جولىنىڭ ماتەماتيكالىق مودەلىن جاساماقشى.
قورىتىندى وسى كۇزدە ايقىن بولادى دەيدى جوبا جەتەكشىسى ستەفان مورينتس.