ەۋرووداقتىڭ COVID-19-بەن كۇرەسكە ۆەنەسۋەلاعا مەديتسينالىق كومەك جىبەرگەنى تۋرالى ەلدىڭ سىرتقى ىستەر ءمينيسترى حورحە اررەاسا Twitterدە جاريالادى, دەپ حابارلايدى Egemen.kz.
ەو ەلدەرىنە, اتاپ ايتقاندا وسى جولى جاناشىرلىق تانىتقان يسپانيا مەن پورتۋگالياعا العىسىن ايتقان مينيستر پاندەميا باستالعالى دوستىق كوڭىلدەن جاردەم ۇسىنعان ەلدەر مەن حالىقارالىق ۇيىمدار ارقاسىندا 1,5 مىڭ توننا گۋمانيتارلىق كومەك جەتكىزىلگەنىنەن حاباردار ەتكەن.
ىندەتتىڭ قازىرگى ۋاقىتتا مۇحيتتىڭ ارعى بەتىندە ءورشىپ تۇرعانى ايان. اسىرەسە اقش پەن برازيليا جۇرتشىلىعى الەم بويىنشا كوروناۆيرۋستىڭ كورشەڭگەلىنەن كوپ زارداپ شەككەن ەلدەردىڭ قاتارىندا.