قوستاناي وبلىسىندا شىلدە ايىنىڭ 24-ىنەن بەرى ايماق ەكولوگياسىن جاقسارتۋ ماقساتىنداعى «تازا قازاقستان» رەسپۋبليكالىق اكتسياسى وتكىپ جاتىر.
وبلىستىق پد جەرگىلىكتى پوليتسيا قىزمەتى باسقارماسىنىڭ تابيعاتتى قورعاۋ پوليتسياسى ءبولىمىنىڭ اعا ينسپەكتورى عازرەتقالي الىمعازيننىڭ ايتۋىنشا, وڭىردە رەيدتىك ءىس-شارالاردى وتكىزۋ 12 ءموبيلدى جاساققا مىندەتتەلگەن. سونداي-اق,تابيعاتتى قورعاۋ ورگاندارىمەن بىرلەسكەن 4 توپ جۇمىس ىستەپ جاتىر.
– بۇگىنگە دەيىن 116 رەيدتىك ءىس-شارا وتكىزىلدى. ونىڭ 16-سى ەكولوگيا دەپارتامەنتىمەن بىرلەسىپ ۇيىمداستىرىلدى. رەيدتەرگە كولىكتىك باقىلاۋ ينسپەكتسياسىنىڭ قىزمەتكەرلەرى مەن ەرىكتىلەر دە قاتىستى, - دەيدى پوليتسيا مايورى ع.الىمعازين.
اكتسيا بارىسىندا اڭ اۋلاۋ, بالىق اۋلاۋەرەجەلەرىن بۇزۋ, كوپشىلىك ورىنداردى لاستاۋ, ىشىمدىك ءىشۋ سياقتى بارلىعى 243 اكىمشىلىك قۇقىق بۇزۋشىلىق انىقتالىپ, جالپى سوماسى 1 319 مىڭ 550 تەڭگە ايىپپۇل سالىنعان.