ارمەنيادان اكەلىنگەن اۆتوكولىكتەردىڭ تىركەلۋىن ۇزارتا ما, جوق پا؟ بۇل سۇراققا ىشكى ىستەر مينيسترلىگى جاۋاپ بەردى, دەپ حابارلايدى Egemen.kz
ەلىمىزدىڭ ءىىم اكىمشىلىك پوليتسيا كوميتەتى توراعاسىنىڭ ورىنباسارى سەرىك ءتۇسىپوۆ وكق-دا وتكەن ءباسپاسوز كونفەرەنتسياسىندا ءمان-جايدى تولىعىراق تارقاتىپ كەتتى.
"تىركەۋ بويىنشا ءتيىستى تالاپتار بار ەكەنىن ەسكەرە وتىرىپ, ۇكىمەت قاۋلىسىندا تىركەۋدىڭ ناقتى مەرزىمى بەكىتىلگەن. تىركەۋ شارالارى 2020 جىلدىڭ 1 قىركۇيەكگىنە دەيىن جۇزەگە اسىرىلادى. وسى مەرزىمگە اتالعان تىركەۋ تالاپتارىنا جاتاتىن بارلىق كولىكتەر تىركەلەدى دەپ جوسپارلانىپ جاتىر", دەيدى سەرىك ءتۇسىپوۆ.
ونىڭ ويىنشا, ازاماتتار تاراپىنان وتىنىمدەر بار ەكەنىن, سونداي-اق ساۋدا جانە ينتەگراتسيا مينيسترلىگى تەحنيكالىق رەتتەۋ جانە مەترولوگيا كوميتەتى جاعىنان قايتادان جابدىقتالعان اۆتوكولىكتەردى تىركەۋ ءۇشىن جاعداي جاسالىپ وتىرعانىن ەسكەرە وتىرىپ, وزگەرتىپ جابدىقتالعان اۆتوكولىكتەر ءۇشىن مەرزىمدى ۇزارتۋ ۇسىنىسىن پىسىقتاپ جاتقانىن قوسىمشا اتاپ ءوتتى.
ەستەرىڭىزگە سالا كەتەيىك, 2020 جىلدىڭ 20 مامىرىندا ەل ۇكىمەتى ارمەنيا رەسپۋبليكاسىندا تىركەلگەن جەكەلەگەن كولىك قۇرالدارىن قازاقستان رەسپۋبليكاسىنا اكەلۋ جانە قر ازاماتتارىنىڭ پايدالانۋى بويىنشا كەيبىر ماسەلەلەر تۋرالى قاۋلى قابىلدادى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ۇشىن Telegram جەلىسىندە بىزگە جازىلىڭىز.