پاۆلودارداعى بالالار فۋتبول ورتالىعىنىڭ جاتتىقتىرۋشىلارىنا بەرىلەتىن قاراجاتتىڭ جالپى سوماسى 16 ميلليون تەڭگەدەن اسىپ بارادى. بىرنەشە ايدان بەرى ولار جالاقىسىز جۇمىس ىستەپ كەلگەن. ال جەرگىلىكتى "ەرتىس" كلۋبىنىڭ ءوزى ميللياردتاعان دوللار قارىزىنا بايلانىستى جابىلۋ الدىندا تۇر, - دەپ حابارلايدى Egemen.kz.
ورتالىق كوكتەمدە بالالار سپورت ورتالىعى جاتتىقتىرۋشىلارىنا جالاقى تولەۋدى توقتاتقان. جيىرما قىزمەتكەر بىرنەشە اي بويى اقشاسىز جۇمىس ىستەدى. ال 1 شىلدەدە ولار تولىقتاي اقى تولەنبەيتىن دەمالىسقا جىبەرىلدى.
ء"بىز ءۇش ايعا - ءساۋىر, مامىر جانە ماۋسىمعا ارنالعان بەرەشەكتى كۇتىپ ءجۇرمىز. شىلدە مەن تامىز ايلارىندا مەملەكەتتەن 42,500 جانە 21250 الدىق, ياعني ءبىزدىڭ جاتتىقتىرۋشىلار بەس ايدا 63000 تەڭگە عانا الدى", دەدى فۋتبول ورتالىعىنىڭ جاتتىقتىرۋشىسى الىبەك ءجۇسىپوۆ.
باپكەرلەر فۋتبول ورتالىعىنىڭ باسشىلىعىمەن سويلەسۋگە تىرىسقان. بىراق مەكەمە ديرەكتورى بايلانىسقا شىقپاي ءجۇر ەكەن. ورتالىقتا بىرنەشە جىل وقىپ كەلگەن بالالاردىڭ اتا-انالارى دا ونىمەن بايلانىسۋعا تىرىستى.ولاردىڭ دا ارەكەتىنەن ەشتەڭە ونبەگەن.
وبلىستىق سپورت باسقارماسى بالالار جاتتىقتىرۋشىلارىنىڭ پروبلەماسىمەن تانىس. شەنەۋنىكتەر بۇل ماماندار جۇمىسسىز قالمايدى دەپ ۋادە بەردى. بىراق جالاقى بويىنشا قارىزدار "ەرتىس" فۋتبول كلۋبىنىڭ قارىزى وتەلگەننەن كەيىن عانا تولەنەدى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ۇشىن Telegram جەلىسىندە بىزگە جازىلىڭىز