ناۋرىزدىڭ باسىنان بەرى وڭتۇستىك كورەيادا العاش رەت تاۋلىگىنە كوروناۆيرۋستىڭ 324 جاڭا جاعدايى تىركەلدى, جۇقتىرعانداردىڭ جالپى سانى 16 670-كە جەتتى, دەپ حابارلايدى Egemen.kz.
سوڭعى اپتادا وڭتۇستىك كورەيادا ينفەكتسيانىڭ كۇن سايىنعى ءوسىمى 56-دان 297-گە دەيىن كوتەرىلدى. بۇل سوڭعى بەس ايداعى جاڭا رەكورد.
سوڭعى رەت كۇنىنە ەڭ كوپ اۋرۋ جۇقتىرعاندار 8 ناۋرىزدا تىركەلگەن, بۇل كەزدە ەلدە 367 ادام ينفەكتسيا جۇقتىرعان ەدى. KCDC مالىمەتى بويىنشا, ەلدە تىركەلگەن 315 جاعدايدىڭ 125-ءى سەۋلدە جانە تاعى 102-ءى كيونگي پروۆينتسياسىندا ورىن العان.
تەك توعىز ناۋقاس قانا ينفەكتسيانى شەتەلگە شىعىپ جۇقتىرىپ كەلگەن.
بۇل جاعدايلاردىڭ كۇرت ءوسۋى كەيبىر جەرگىلىكتى شىركەۋلەر مەن بازارلاردا ۆيرۋستىڭ تارالۋىنا بايلانىستى بولىپ وتىر. جاعدايدىڭ ناشارلاۋىنا 15 تامىز - تاۋەلسىزدىك كۇنىندە سەۋلدە مىڭداعان ادام جيناپ, نارازىلىق اكتسياسىنا شىققان Saran Cheil كونسەرۆاتيۆتى پرەسۆيتەريان شىركەۋىنىڭ جاقتاۋشىلارى دا اسەر ەتىپ وتىر.
شىركەۋدىڭ باسشىسى پاستور يۋنگ كۆانگ حۋن دا ميتينگىگە قاتىسىپ, كوروناۆيرۋسپەن اۋىرعانىنا قاراماستان, ماسكا تاقپاي تۇرعىندارمەن بايلانىس ورناتقان. بۇعان دەيىن وعان وقشاۋلاۋدى بۇزعانى ءۇشىن جانە كارانتين جاعدايىندا تەرگەۋگە كەدەرگى كەلتىرگەنى ءۇشىن ايىپ تاعىلاتىنى حابارلانعان ەدى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ۇشىن Telegram جەلىسىندە بىزگە جازىلىڭىز