ەلىمىزدىڭ ساۋدا جانە ينتەگراتسيا ءمينيسترى باقىت سۇلتانوۆ حالىققا ونلاين ەسەپ بەرۋ بريفينگىندە الەۋمەتتىك ماڭىزى بار ازىق-ت ۇلىك تاۋارلارى باعاسىن 45%-عا دەيىن تومەندەتۋ تۋرالى مالىمدەدى, دەپ حابارلايدى Egemen.kz
باقىت سۇلتانوۆ: "تۇتاس ءارى ءتيىمدى ساۋدا-لوگيستيكالىق ينفراقۇرىلىمدى قالىپتاستىرۋ ءۇشىن ۇلتتىق تاۋار وتكىزۋشى جۇيە قۇرىلۋدا. ول فەرمەرلەردى, ساتىپ الۋشىلاردى, كولىك قىزمەتكەرلەرىن, دەلدال مەن ريتەيلەردى بىرىڭعاي كلاستەرگە بىرىكتىرەدى. ياعني تەحنيكالىق ءارى اقپاراتتىق تۇرعىدا قامتيدى", دەدى ساۋدا جانە ينتەگراتسيا ءمينيسترى.
ءمينيستردىڭ ايتۋىنشا, بىرىڭعاي تسيفرلىق جۇيەمەن بىرىكتىرىلگەن 24 كوتەرمە-ۇلەستىرۋ ورتالىعى ءونىمدى جەتكىزۋ تىزبەگىن وڭتايلاندىرادى. وسى ورايدا وندىرۋشىدەن تۇتىنۋشىعا دەيىن جەتكىزۋدى قامتىپ, ءونىمدى ساقتاۋعا, ءتيىمدى بولۋگە قولايلى جاعداي جاسالادى. تاۋاردىڭ ءب ۇلىنۋ قاۋپىن تومەندەتۋ شارالارى فەرمەرلەرگە ونىمدىلىكتى ارتتىرۋ ءۇشىن قوسىمشا ينۆەستيتسيا بولۋگە جول اشاتىنىن ايتىپ ءوتتى.
"جەكە ءوندىرۋشىنىڭ تاۋاردى وتكىزۋ نارىعىنا تىكەلەي قول جەتكىزۋى تابىسىن ەلەۋلى سومادا ارتتىرادى. ال تۇتىنۋشى ساپالى ءارى قاۋىپسىز ءونىمدى الادى. بۇل تۇرعىدا الەۋمەتتىك ماڭىزداعى ازىق-ت ۇلىك تاۋارلارى باعاسىن 45 پايىزعا دەيىن تومەندەتۋگە مۇمكىن بولادى. وسى ورايدا تۇتىنۋشىلار ءۇشىن جىلىنا 60 ملرد تەڭگە شاماسىندا ۇنەمدەۋگە ىقپال ەتەدى. ۇلتتىق تاۋار وتكىزۋ جۇيەسى باعا تۇراقتىلىعىن قامتاماسىز ەتىپ, ماۋسىمدىق تاپشىلىقتى جوياتىنىن اتاپ وتكەن ءجون", دەيدى ب.سۇلتانوۆ.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ۇشىن Telegram جەلىسىندە بىزگە جازىلىڭىز.