سولتۇستىك قازاقستان وبلىسىنا ءبىرىنشى جارتىجىلدىقتا 2,4 مىڭعا جۋىق ادام تۇراقتى كەلدى. وسى كەزەڭدە 4,1 مىڭ ادام جۇمىستان كەتتى, دەپ حابارلايدى Egemen.kz.
ستاتيستيكا دەپارتامەنتىنىڭ مالىمەتىنشە, وڭىردەن كەتكەندەر سانى وتكەن جىلمەن سالىستىرعاندا ۇشتەن بىرگە از. كوشى-قون كەمۋى 1 733 ادامدى قۇراعان. ونىڭ ىشىندە سىرتقى كوشى-قوندا 657 ادام. سىرتقى كوشى-قون سالاسىنداعى وبلىستىڭ نەگىزگى كوشى-قون الماسۋى تمد مەملەكەتتەرىمەن ءجۇرىپ جاتىر.
ء"بىزدىڭ وبلىستان بارعان ەميگرانتتاردىڭ 99% - ىن رەسەي فەدەراتسياسى قابىلدايدى. وبلىسقا تمد ەلدەرىنەن كەلگەندەر اراسىندا دا رەسەي كوش باستاپ تۇر. الەمنىڭ باسقا ەلدەرىنە وبلىستىڭ 56 تۇرعىنى كەتىپ, 44 ادام كەلدى. نەگىزىنەن كوبىسى گەرمانيا مەن پولشاعا قونىس اۋدارادى. كەلگەندەردىڭ اراسىندا موڭعوليا مەن قىتاي تۇرعىندارى باسىم", - دەپ حابارلادى دەپارتامەنت وكىلدەرى.
سونداي-اق, سولتۇستىك قازاقستاندا وڭىرارالىق كوشى-قون تومەندەگەن. ەلىمىزدىڭ باسقا وبلىستارىنان بۇل ايماققا 2058 ادام كوشىپ كەلسە, 3 134 ادام كوشىپ كەتكەن. كەلگەندەردىڭ نەگىزگى ۇلەسىن اقمولا وبلىسى مەن نۇر-سۇلتان قالاسىنىڭ تۇرعىندارى قۇرادى. سولتۇستىكقازاقستاندىقتار وسى وڭىرلەرگە ءجيى كەتەدى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ۇشىن Telegram جەلىسىندە بىزگە جازىلىڭىز.