شىمكەنتتە 50 مىڭعا جۋىق تۇنگى جارىقتاندىرۋ شامدارى بار. ولارعا توزۋىنىڭ الدىن الۋ ماقساتىندا ۇنەمى كۇتىم جاسالىنىپ تۇرادى, -دەپ حابارلايدى Egemen.kz.
اعىمداعى جىلى مەملەكەتتىك-جەكەشەلىك ارىپتەستىگى اياسىندا قالانىڭ سىرتقى جارىقتاندىرۋ جۇيەلەرىن قايتا قۇرۋ جانە كۇتىپ ۇستاۋ جوباسىن ىسكە اسىرۋ جوسپارلانىپ وتىر. جوبادا جارىقشامداردى ەنەرگيا ۇنەمدەيتىن LED شامدارىنا اۋىستىرۋ, سىرتقى جارىقتاندىرۋ جەلىلەرىنىڭ توزۋىن تومەندەتۋ قاراستىرىلعان. قازىرگى تاڭدا بۇعان قاتىستى كونكۋرس وتكىزۋ جۇمىستارى قولعا الىنعان.
ودان بولەك, قالا اكىمى مۇرات ايتەنوۆتىڭ تاپسىرماسىنا سايكەس, «جۇمىسپەن قامتۋ جول كارتاسى» باعدارلاماسى اياسىندا قوسىمشا 39 كوشەگە جارىق جۇيەسىن ورناتۋ جانە 4 كوشەدەگى جارىق جۇيەلەرىن قايتا قۇرۋ جۇمىستارى, لەنگىر باعىتىنداعى تاس جولدىڭ ەسكى شامدارىن ديودتى شامدارعا اۋىستىرۋ جانە قوسىمشا جارىق جۇيەسىن ورناتۋ جۇمىستارى اتقارىلىپ جاتىر.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ۇشىن Telegram جەلىسىندە بىزگە جازىلىڭىز.