ءبولىنىپ جاتقان قاراجات مۇقيات ءارى ءتيىمدى جۇمسالۋى ءتيىس. بۇل تۋرالى سىبايلاس جەمقورلىققا قارسى كۇرەس ماسەلەلەرى جونىندەگى كەڭەستە مەملەكەت باسشىسى قاسىم-جومارت توقاەۆ مالىمدەدى, دەپ حابارلايدى Egemen.kz.
"پاندەميا كەزەڭىندە جانە مەملەكەت پەن ازاماتتارىمىزدىڭ تابىسى ازايعان تۇستا جەمقورلىقپەن كۇرەستى ودان ءارى كۇشەيتۋىمىز كەرەك. حالىقارالىق ساراپشىلاردىڭ ايتۋى بويىنشا مەملەكەتتەر پاندەميانىڭ سالدارىمەن كۇرەسكە مول قاراجات جۇمساپ جاتقان كەزدە قارجىنى ماقساتقا ساي پايدالانباۋ جانە جىمقىرۋ قاۋپى ارتا تۇسەدى. ءبولىنىپ جاتقان قاراجات مۇقيات ءارى ءتيىمدى جۇمسالۋعا ءتيىس. بۇل – ءار تەڭگە ءوزىنىڭ ماقساتىنا ساي جۇمسالۋى كەرەك دەگەن ءسوز", - دەدى پرەزيدەنت.
وسى ورايدا مەملەكەت باسشىسى قاجەتسىز شىعىنداردى الدىن الا انىقتاۋ كەرەكتىگىن اتاپ ءوتتى.
"اسىرەسە, قازىرگى جاعدايدا ەش پايداسى جوق جانە قاجەتسىز ءىس-شارالارعا قاراجاتتىڭ شىعىندالۋىنا قوعامنىڭ قالاي قارايتىنىن كورىپ وتىرمىز. سوندىقتان, مۇنداي ماسەلەلەرگە بولارى بولىپ, بوياۋى سىڭگەننەن كەيىن ەمەس, الدىن الا ءمان بەرۋ – وتە ماڭىزدى", - دەپ قاداپ ايتتى قاسىم-جومارت توقاەۆ.