اقتوبەدە اياق كيىمگە تەلەفون جاسىرىپ, تۇرمەگە كىرگىزبەك بولدى, – دەپ حابارلايدى Egemen.kz قر ءىىم-ءنىڭ Polisia.kz سايتىنا سىلتەمە جاساپ.
اقتوبە وبلىسى بويىنشا قاج دەپارتامەنتىنە باعىنىستى كا-168/1 تەرگەۋ يزولياتورىنىڭ ءتارتىپ جانە كۇزەت قىزمەتكەرلەرى مەكەمەگە كەلگەن سالەمدەمەلەردى تەكسەرۋ كەزىندە, اياق كيىمنىڭ تابانىنا مۇقيات جاسىرىلعان ەكى ۇيالى تەلەفون جانە ەكى “Beeline” سيم-كارتاسى مەن زاريادتاعىش قۇرىلعىلاردى تاۋىپ, تاركىلەدى.
مەكەمەگە تىيىم سالىنعان زاتتاردى اقتوبە قالاسىنىڭ ر. م. ەسىمدى 1990 جىلعى تۇرعىنى (كىسى ءولتىرۋ بابى بويىنشا) قاماۋدا وتىرعان اعاسىنا جەتكىزبەك بولعان. – ازامات ر. م. ءوزىنىڭ تۇسىنىكتەمەسىندە كىناسىن تولىق مويىندادى.
قۇقىق بۇزۋشىعا قاتىستى قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 481-بابى بويىنشا حاتتاما تولتىرىلىپ, ماتەريال اقتوبە قالاسىنىڭ مامانداندىرىلعان اكىمشىلىك سوتىنا جولداندى, - دەپ حابارلايدى اقتوبە وبلىسى بويىنشا قىلمىستىق-اتقارۋ جۇيەسى دەپارتامەنتىنىڭ ءباسپاسوز قىزمەتى.