شىمكەنتتىك پوليتسەيلەر ءۇش جاسار بالانى امان-ەسەن تاپتى. بۇل تۋرالى Polisia.kz-كە سىلتەمە جاساي وتىرىپ Egemen.kz حابارلايدى.
15 تامىز كۇنى ساعات 21:30 شاماسىندا "102" نومىرىنە ءال-فارابي اۋدانىنىڭ تۇرعىنى بالاسىنىڭ جوعالىپ قالعانىن حابارلاعان. وسى حابارلاما بويىنشا شىمكەنت قالاسى پوليتسيا دەپارتامەنتى جەرگىلىكتى پوليتسيا قىزمەتى باسقارماسىنىڭ پاترۋلدىك پوليتسيا پولكىنىڭ №966 اۆتوەكيپاج قىزمەتكەرلەرى ب.احمەتوۆ جانە س.ابيلوۆ شۇعىل ىزدەستىرۋ شارالارىنا كىرىسكەن. جاقىن اۋماقتاردىڭ بارلىعىن قاراپ, تۇرعىنداردان سۇراستىرعان.
جەدەل ءىس-ارەكەتتىڭ ناتيجەسىندە ءۇش جاسار ءبۇلدىرشىن ءال-فارابي اۋدانى د.قوناەۆ كوشەسىندە ورنالاسقان كوپقاباتتى ءۇيدىڭ اۋلاسىنان تابىلىپ, امان-ەسەن اناسىنا جەتكىزىلدى. بالاقايدىڭ اناسى وقىس وقيعانىڭ الدىن الىپ, ۇلىن ءدىن امان تاۋىپ بەرگەن پوليتسيا قىزمەتكەرلەرىنە شەكسىز العىسىن ءبىلدىردى. وسى ورايدا, پوليتسيا قىزمەتكەرلەرى بارلىق اتا-انالارعا ءوز بالالارىنا ءتيىستى دەڭگەيدە كوڭىل ءبولىپ, ولاردى قاراۋسىز قالدىرماۋىن سۇرايدى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ۇشىن Telegram جەلىسىندە بىزگە جازىلىڭىز.