بۇل تۋرالى وڭىرلىك كوممۋنيكاتسيالار قىزمەتىنىڭ بريفينگى بارىسىندا "الماتى – يندۋستريالدى ايماعى" جشس ديرەكتورى بەرىكبول ماندىباەۆ ايتتى, دەپ حابارلايدى Egemen.kz.
2020 جىلى الماتى – يندۋستريالدى ايماعى اۋماعىندا مەتالل وڭدەۋ جانە جىلجىمالى قورشاۋ كونسترۋكتسيالارىن ءوندىرۋ بويىنشا كەشەن ىسكە قوسىلعان بولاتىن. اعىمداعى جىلدىڭ سوڭىنا دەيىن 1 100 جۇمىس ورنىن قۇرۋ ارقىلى جالپى سوماسى 30,1 ملرد تەڭگەنى قۇرايتىن 9 جوبانى ىسكە قوسۋ جوسپارلانۋدا. بۇل اۆتوكولىك شىعاراتىن "Hyundai Trans Kazakhstan" زاۋىتى, مەديتسينالىق ماقساتتا دياگنوستيكالىق تەست شىعاراتىن "كاز-ديا-تەست", اۆتوكلاۆ گاز-بەتون شىعاراتىن "گ.س.گ. ۆىسوتنيك", جىلۋ گازوبلوكتارىن شىعاراتىن "سك راحات", تابيعي تاستان ءونىم شىعاراتىن "سيتي ستوۋن", ورتاشاكەرنەۋلى تاراتۋشى قۇرالداردى شىعاراتىن "تەحنوكونت", ەلەكترتەحنيكالىق قۇرالداردى شىعاراتىن "ەلەكتروبار", جەلدەتۋ جۇيەلەرىن وندىرەتىن "كازپرومۆەنت", جىلۋ وقشاۋلايتىن ماتەريالدار شىعاراتىن "SAVENERGY".2021 جىلى جانە ودان كەيىنگى جىلدارى 5,5 مىڭنان استام جۇمىس ورنىن قۇرۋ ارقىلى 160 ملرد تگ سوماسىنا 38 جوبانى ىسكە قوسۋ جوسپارلانۋدا.
الماتىنىڭ يندۋستريالدى ايماعىنا بۇگىنگى تاڭدا بارلىعى 60 كومپانيا قاتىسۋدا.
سونىمەن بىرگە, 2020 جىلدىڭ سوڭىنا دەيىن ءتورت وندىرىستىك پارك ىسكە قوسىلادى.
قازىرگى ۋاقىتتا قۇرىلىس جۇرگىزۋشىلەر ("KazStroyTrade" جشس, "D&J "Industries & Logistic" جشس, "Ala Estate" جشس, "ADS Industries" جشس) جوبالىق جۇمىستارىن اياقتاپ كەلەدى جانە ۋچاسكەلەردەگى قۇرىلىس-مونتاجداۋ جۇمىستارىنا كىرىستى. وندىرىستىك عيماراتتاردىڭ جالپى اۋماعى 36 مىڭ شارشى مەتردى قۇرايدى. ولارعا قۇرىلىس, جيھاز, جەڭىل جانە تاعامدىق ونەركاسىپ سالاسىنداعى ءوندىرىس ورىندارى ورنالاستىرىلادى. وندىرىستىك پاركتەردە 1100-دەن استام جاڭا جۇمىس ورنىن اشۋ جوسپارلانۋدا.
ب. ماندىباەۆتىڭ ايتۋىنشا, شاعىن وندىرىستىك پاركتەردى دامىتۋ جوباسى "الماتى بيزنەس – 2025" شاعىن جانە ورتا كاسىپكەرلىكتى دامىتۋ باعدارلاماسى بويىنشا جۇزەگە اسىرىلۋدا, ونىڭ اياسىندا قالا اۋماعىندا وندىرىستىك عيماراتتار ينۆەستورلارمەن نەمەسە وندىرىستىك بازالاردىڭ مەنشىك يەلەرىمەن سالىنادى.
وندىرىستىك عيماراتتار شوب سۋبەكتىلەرىنە جەڭىلدەتىلگەن شارتتارمەن: تىركەلگەن جالدامالىق مولشەرلەمەمەن 5-7 جىلعا دەيىنگى مەرزىمگە بەرىلەدى. عيماراتتى جالعا الۋ قۇنى شارشى مەتر ءۇشىن 1000-1200 تگ قۇرايدى. عيماراتتى ساتىپ الۋ قۇنى شارشى مەتر ءۇشىن 145 000 تگ. الماتى قالاسىنىڭ اۋماعىنداعى يندۋستريالدى ايماق اۋماعىنداعى شاعىن وندىرىستىك پارككە قاتىسۋعا 70-تەن استام كومپانيا قىزىعۋشىلىق بىلدىرگەن.
وندىرىستىك پارك جوبالارىن جۇزەگە اسىرۋ ارتىقشىلىقتارى: قالاداعى اكىمشىلىك جانە بوس تۇرعان وندىرىستىك عيماراتتاردى اينالىمعا ەنگىزۋ; ىسكەرلىك بەلسەندىلىگى تومەن اۋدانداردا بيزنەستىڭ دامۋىنا جانە قۇرىلۋىنا كومەك كورسەتۋ (جاڭا جۇمىس ورىندارى, سالىقتار); 2-7% مولشەرىندە قارجىلاندىرۋدىڭ جەڭىلدەتىلگەن كورسەتكىشتەرى.