بۇگىن "الماتى – يندۋستريالدى ايماعى" اۋماعىندا وڭىرلىك كوممۋنيكاتسيالار قىزمەتى بريفينگ وتكىزدى. "الماتى – يندۋستريالدى ايماعى" جشس ديرەكتورى بەرىكبول ماندىباەۆ 2016 جىلدان بەرى الماتىنىڭ يندۋستريالدى ايماق اۋماعىندا جالپى سوماسى 69,6 ملرد تگ بولاتىن 13 كاسىپورىن پايدالانۋعا بەرىلگەنىن, 1952 جۇمىس ورنى قۇرىلىپ, 2 ملرد تگ سالىق تولەنىپ, 63,3 گا جەر يگەرىلگەنىن اتاپ ءوتتى, دەپ حابارلايدى Egemen.kz
تاعى 47 جوعارى تەحنولوگيالىق جوبا جۇزەگە اسىرىلۋ كەزەڭىندە جانە الداعى جىلدارى ىسكە قوسىلماق.
الماتىنىڭ يندۋستريالدى ايماعىنا 261 ملرد تگ بارلىعى 60 كومپانيا قاتىسادى, ونىڭ ىشىندە 18-ءى شەتەلدىك قاتىسۋشىلارمەن (قىتاي, رەسەي, جاپونيا, يران, مالايزيا, ءباا, گەرمانيا, وڭتۇستىك كورەيا, تۇركيا, اقش) 8,6 مىڭ جۇمىس ورنى قۇرىلعان.
بيىلعى جىلى مەتالل وڭدەۋ جانە جىلجىمالى قاقپالاردى شىعارۋ بويىنشا قۋاتتىلىعى 12 125 بىرلىك, 42 جۇمىس ورنىنا شاقتالعان كەشەن ىسكە قوسىلدى.
اعىمداعى جىلدىڭ سوڭىنا دەيىن 1131 جۇمىس ورنىن قۇرۋ ارقىلى جالپى سوماسى 30,1 ملرد تگ سوماسىنا 9 جوبانى ىسكە قوسۋ جوسپارلانۋدا. 2021 جانە ودان كەيىنگى جىلدارى 160,7 ملرد تگ سوماسىنا 5,6 مىڭنان استام جۇمىس ورنىن اشۋ ارقىلى 38 جوبانى ىسكە قوسۋ كوزدەلىپ وتىر.