باتىس قازاقستان وبلىسىنىڭ اكىمى عالي ەسقاليەۆ كارانتيندىك شارالار اۋرۋدىڭ كوبەيۋىن توقتاتۋعا كومەكتەسكەنىن ايتتى. بۇل تۋرالى ول Facebook پاراقشاسىندا جازدى, - دەپ حابارلايدى Egemen.kz.
"بۇگىننەن باستاپ بىرقاتار كارانتيندىك شەكتەۋ الىنىپ تاستالادى. ءىرى ساۋدا نىساندارى, كافەلەر مەن مەيرامحانالار, قوعامدىق كولىكتەر جانە ت.ب. نىساندار جۇمىس ىستەي باستادى. مىڭداعان كاسىپكەرلەر جۇمىسىن قايتا باستايدى. الايدا, الەۋمەتتىك قاشىقتىق, ماسكالىق رەجيم, دەزينفەكتسيا جاساۋ جانە ت.ب. سانيتارلىق تالاپتار ساقتالادى.جاقىندا جۇقپالى اۋرۋلار اۋرۋحانالارىندا دارىگەرلەرىمىزگە ءبىر اي بويى كومەكتەسكەن رەسەيلىك ماماندار ءوز ەلدەرىنە اتتاندى. مەن ولارعا كورسەتكەن كومەگى مەن جوعارى كاسىبيلىكتەرى ءۇشىن ريزاشىلىعىمدى بىلدىرەمىن. مەن مۇنى تاتۋ كورشىلىك قاتىناستىڭ ايقىن كورىنىسى دەپ تۇسىنەمىن.
رەسەيلىك جانە ءبىزدىڭ ەپيدەميولوگتاردىڭ جالپى پىكىرىنشە, كوروناۆيرۋس نەمەسە باسقا دا جاڭا ۆيرۋستار ءبىزدىڭ ءومىرىمىزدىڭ ءبىر بولشەگى بولىپ قالا بەرەدى دەگەن بولجام ايتۋدا.كارانتيندىك شارالار اۋرۋدىڭ كوبەيۋىن توقتاتۋعا كومەكتەستى. بۇل ايقىن فاكت. ەندى ءبارىمىز وسى تۇراقتىلىقتى ساقتاپ تۇرۋ قاجەتپىز. الايدا, الدا قانداي قيىندىقتار كۇتىپ تۇرعانىن ەشكىم بىلمەيدى. جىلدىڭ بەلگىلى ۋاقىتتارىندا جۇقپالى اۋرۋلاردىڭ سانى كۇرت ارتىپ, كەلەسى اۋرۋدىڭ باستالۋىنا دەيىن تومەندەيتىنى بەلگىلى.قوزدىرعىشتاردىڭ تىرشىلىگى مەن بەلسەندىلىگى, سونداي-اق ادامنىڭ يممۋندىق جۇيەسى تابيعي فاكتورلارعا - اۋا تەمپەراتۋراسىنا, ىلعالدىلىققا, كۇن رادياتسياسىنىڭ قارقىنىنا تىكەلەي بايلانىستى.
مىنا قاۋىپتى ىندەتتەن كوپشىلىگىمىز جاقىن ادامدارىمىزدان ايىرىلدىق. كوبىسى بۇل اۋرۋدان ارەن دەگەندە ايىعىپ شىقتى. ەندى ءبىز ماۋسىم-شىلدە ايلارىندا بولعان قيىن جاعدايدىڭ قايتالانۋىنا جول بەرمەۋىمىز كەرەك. ءبىز, ەڭ باستىسى, ينفەكتسيانى ادامدار كوپ شوعىرلاناتىن جەرلەردە جۇقتىرۋ الدەقايدا جوعارى ەكەنىن ءتۇسىنۋىمىز قاجەت. سوندىقتان بارلىق ساقتىق شارالارىن ۇمىتپاي, سانيتارلىق تالاپتاردى ساقتاۋىمىز, سپورتپەن شۇعىلدانۋىمىز كەرەك", - دەپ جازدى بقو اكىمى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ۇشىن Telegram جەلىسىندە بىزگە جازىلىڭىز.