وبلىس اكىمى قانات بوزىمباەۆ تاراز قالاسىنداعى جاستار ورتالىعىنا بارىپ, ستۋدەنتتەرگە ءدارىس وقىدى. ءدارىس تاقىرىبى ايماقتىڭ الەۋمەتتىك-ەكونوميكالىق دامۋىنىڭ ماسەلەلەرى مەن ولاردى شەشۋ باعىتتارى بولدى.
وبلىس اكىمى قانات بوزىمباەۆ تاراز قالاسىنداعى جاستار ورتالىعىنا بارىپ, ستۋدەنتتەرگە ءدارىس وقىدى. ءدارىس تاقىرىبى ايماقتىڭ الەۋمەتتىك-ەكونوميكالىق دامۋىنىڭ ماسەلەلەرى مەن ولاردى شەشۋ باعىتتارى بولدى.
اكىمنىڭ ايتۋىنشا, وڭىردەگى ەكونوميكالىق دامۋدى جۇزەگە اسىرۋ ءۇشىن وبلىستى وركەندەتۋدىڭ 2011-2015 جىلدارعا ارنالعان كەشەندى باعدارلاماسى ۇلكەن سەپتىگىن تيگىزگەن. وبلىستىڭ وسى باستى قۇجاتىندا ايماقتىڭ ەكونوميكالىق جانە الەۋمەتتىك سالالارىن دامىتۋ ەرەكشە نازارعا الىنعان. اتاپ ايتساق, باعدارلامادا ءوڭىر دامۋىنىڭ نەگىزگى باعىتتارى – حيميا ءوندىرىسى, اۋىل شارۋاشىلىعى سەكتورى, قۇرىلىس يندۋسترياسى جانە جەڭىل ونەركاسىپتى وركەندەتۋگە ايرىقشا باسىمدىقتار بەرىلىپتى.
جاستارعا ءدارىس وقۋ بارىسىندا وبلىس اكىمى ماماندىق تاڭداۋدا قاتەلەسپەۋ كەرەكتىگىن باسا ايتتى. بۇل جەردە جاستاردىڭ ءبىرىنشى كەزەكتە الەمدىك ترەند, رەسپۋبليكانىڭ جانە ايماقتىڭ سۇرانىسىنا ءمان بەرۋى اتاپ ءوتىلدى. اكىمنىڭ ايتۋىنشا, بولاشاقتا ايماققا اۋىل شارۋاشىلىعى, دەنساۋلىق ساقتاۋ, جەڭىل جانە وڭدەۋ ونەركاسىبى, حيميا جانە قۇرىلىس كلاستەرىنە ماماندار وتە كوپ قاجەت بولادى.
جالپى, وبلىستا 5 جوعارى وقۋ ورنى جۇمىس ىستەپ تۇرسا, ولاردا 30 مىڭنان استام ستۋدەنت ءبىلىم الۋدا. قازىرگى كەزدە وبلىس تۇرعىندارىنىڭ سانى شامامەن 1 070,2 مىڭ ادام بولسا, ونىڭ 27,5 پايىزىن جاستار قۇرايدى.
كوسەمالى ساتتىباي ۇلى,
«ەگەمەن قازاقستان».
جامبىل وبلىسى.