قىتايلىقتار ءوز اۆتوكولىكتەرىن ساتىپ المايدى

قىتاي ازاماتتارى وزدەرى شىعارعان اۆتوكولىكتەردى ساتىپ المايدى. بۇل تۋرالى mail.ru سايتىندا ماسەلە كوتەرىلدى.

قىتايداعى اۆتوكولىك ساتىلىمىندا شەتەلدىك ماركالار كوش باستاپ كەلە جاتىر. اسىرەسە, مۇنداعى كولىك بازارلارىندا وزگە اۆتوكولىكتەرگە قاراعاندا BuickExcelle مەن فولكسۆاگەننىڭ ماشينەلەرى كوپتەپ وتەدى. 

قىتايداعى اۆتكولىك زاۋىتى باسشىلارىنىڭ پىكىرىنشە, مۇندا جىل سايىن كولىكتەر ساپالى ءارى قاۋىپسىز بولىپ شىعارىلۋدا. سوعان بايلانىستى ونىڭ باعاسى دا قوماقتى بولىپ تۇر ەكەن. ال ورتا جىكتەگى جەرگىلىكتى تۇرعىنداردىڭ بۇل كولىكتى الۋعا جاعدايى كوتەرمەيدى. «ءبىزدىڭ ەلدە شىعارىلعان اۆتوكولىكتىڭ ساپاسىنا باعا بەرۋ وتە قيىن. ال نەمىستەر مەن فرانتسۋزدار اۆتوكولىك جاساۋدىڭ ناعىز حاس شەبەرلەرى», – دەيدى قىتايدىڭ اۋقاتتى تۇرعىنى. وسىعان قاراپ مۇنداعى قالتالى ازاماتتاردىڭ وزدەرىنەن شىعارىلعان كولىكتەرگە سەنىمسىزدىكپەن قارايتىنىن اڭعارامىز.

 بۇل قىتايدىڭ جاڭارتىلعان Solano مەن Smily اۆتوكولىكتەرى, ەكەۋى دە زاماناۋي كورىنەدى. الايدا, بۇل جولى دا قىتايلىق كولىك وندىرۋشىلەر كوشىرمە ءادىستى قولدانعان. مىسالى, ءسولانونىڭپىشىنى لەكسۋسقا ۇقساسا, سمايلي ءدال فيات 500 ماركاسىنا سايكەس كەلەدى.