پارتياىشىلىك پرايمەريز باستالدى

جاڭا فورمات دەۋىمىزدىڭ سەبەبى بۇعان دەيىن مۇنداي پارتيالىق ىرىكتەۋ ەلىمىزدە بولماعان ەدى. وسىلايشا حالىقارالىق تاجىريبەدە كەڭىنەن قولدانىلاتىن پارتيا بەلسەندىلەرىن اشىق تاڭداۋدىڭ بۇل ءتاسىلى ەلىمىزدىڭ باستاۋىش پارتياسىنا تىڭ سەرپىن بەرەدى دەگەن سەنىم پايدا بولدى. قاراپايىم تىلمەن ايتاتىن بولساق, پرايمەريز دەگەنىمىز – پارتيانىڭ ءار وڭىردە وتكىزەتىن ىشكى سايلاۋى دەگەنگە سايادى. ونىڭ نەگىزگى ماقساتى – الداعى ءماجىلىس پەن بارلىق دەڭگەيدەگى ءماسليحاتتار سايلاۋىنا پارتيالىق تىزىمدەرگە ەنگىزۋ ءۇشىن قوعامنىڭ سەنىمى مەن قولداۋىنا يە بولعان بەدەلدى كوشباسشىلاردى انىقتاۋ. ياعني پرايمەريز ارقىلى پارتيانىڭ بەل شەشە ىسكە كىرىسەتىن بەلسەندى مۇشەلەرى مەن كوشباسشىلارى ايقىندالاتىن بولادى. ناتيجەسىندە, مۇنداي ءتيىمدى تەتىك, قارىمدى قادام ارقىلى پارتيانىڭ ەل الدىنداعى پارمەنى ارتىپ, حالىقتىڭ سەنىمى نىعايا تۇسەدى دەگەن ءسوز.

تۇيتكىلدى ماسەلەلەردىڭ ءتۇيىنىن تار­قاتىپ, ەل دامۋىنا ەلەۋلى ۇلەس قوسقىسى كەلەتىن ازاماتتاردى حالىق قاشان دا قولدايدى. ايتقان ءار ءسوزىن ىسپەن دالەل­دەيتىن ونداي وتانداستارىمىزدى باستاۋىش پارتيا دا قولداۋعا ءازىر. سەبەبى سايلاۋ كەزىندە عانا ساحنادان كورىنىپ, سوڭىندا سايلاۋشىلارى اتىن دا, زاتىن دا ۇمىتىپ قالاتىن كەي دەپۋتاتتاردى ەل سەنىمىن اقتادى دەپ ايتا المايمىز. بارلىق دەپۋتاتقا توپىراق شاشۋدان اۋلاقپىز. الايدا سايلاۋدان سوڭ كورنەكى قىزمەتىمەن, بەلسەندى ءىس-ارەكەتىمەن كوزگە تۇسە قويمايتىن دەپۋتاتتار ءالى دە بار. ەندى حالىق دەپۋتاتتى ەمەس, دەپۋتات ءوز سايلاۋشىلارىن ىزدەيتىن كەز كەلدى.

Nur Otan پارتياسىنىڭ مالىمەتى بويىنشا, تىركەۋ باستالعان العاشقى بىرنەشە ساعاتتىڭ ىشىندە 500-گە جۋىق وتانداسىمىز پرايمەريزگە قاتىسۋعا نيەت ءبىلدىرىپتى. سونىڭ ىشىندە, ايرىقشا بەلسەندىلىك تانىتقان – قوستاناي وبلىسىنداعى پارتيا مۇشەلەرى. اتالعان ايماقتان 157 ءوتىنىش كەلىپ ءتۇسىپتى. ال اقمولا وبلىسىنداعى پارتيا مۇشە­لەرىنەن كەلىپ تۇسكەن ءوتىنىش سانى – 110. وسىلايشا باستاۋىش پارتيا ۇيىمدارى 129 ادامدى ۇسىنسا, قالعان 342 ادام (72,6%) – ءوزىن-ءوزى ۇسىنعان كانديداتتار.

ايتا كەتەيىك, پرايمەريزگە قاتىسۋ ءۇشىن ءوتىنىشتى رەسمي https://primaries.kz/ سايتىندا «پرايمەريز» اقپاراتتىق جۇيەسى ارقىلى ونلاين جولداۋعا بولادى. سونداي-اق اۋماقتىق ۇيىمداستىرۋ كوميتەتتەرىنە جەكە ءوتىنىش بەرۋ ءتاسىلى دە قاراستىرىلعانىن ايتا كەتكەن ءجون. كانديداتتاردى ۇسىنۋ مەن تىركەۋ بارىسى 28 تامىزعا (قوسا ەسەپتەگەندە) دەيىن جالعاسادى.

كانديداتتار پرايمەريزگە Nur Otan پارتياسى ۇيىمىنىڭ اتىنان نەمەسە ءوزىن-ءوزى ۇسىنۋ جولىمەن دە قاتىسۋى مۇمكىن. پارتيانىڭ قۇندىلىقتارىن ۇستاناتىن جانە سايلاۋ قۇقىعى بار كەز كەلگەن ازامات پرايمەريزگە ۇمىتكەر بولا الادى. ول ءۇشىن نيەت بىلدىرگەن بەلسەندى ازامات پرايمەريزگە قاتىسۋشىلاردى تىركەۋ مەرزىمى اياقتالعانعا دەيىن باستاۋىش پارتيانىڭ قاتارىنا قوسىلۋ كەرەك.

سونىمەن كانديداتتاردى ۇسىنۋ جانە تىركەۋ 17 تامىزدان باستالىپ, 28 تامىزعا (قوسا ەسەپتەگەندە) دەيىن جالعاسادى. ۇمىتكەرلەرگە ۇگىت-ناسيحات جۇ­مىس­تارىنا دايىندالۋ ءۇشىن 31 تامىز­دان 6 قىركۇيەككە دەيىن 7 كۇن بەرىلەدى. 7 قىركۇيەكتەن 3 قا­زانعا دەيىنگى ارالىقتا كانديداتتاردىڭ ۇگىت-ناسيحات جۇ­مىستارى, سونىڭ ىشىندە 14-30 قىر­كۇيەك ارالىعىندا جاريا پىكىر­سايىستار وتەدى. پىكىر­سايىستار «پرايمەريز» ارنايى اقپا­راتتىق جۇيەسى ارقىلى ءوتىپ, پارتيانىڭ رەسمي اككاۋنتتارىندا تاراتىلادى.

تاعى ءبىر ايتا كەتەرلىگى, پارتيا توراعاسىنىڭ تاپسىرماسى بويىنشا ۇمىتكەرلەرگە ونلاين-فورماتتا داۋىس بەرۋ ءۇشىن ارنايى پلاتفورما دا ازىرلەندى. وسىلايشا «پرايمەريز» جۇيەسى تۇرعىندارمەن كەرى بايلانىس­تى بارىنشا كۇشەيتۋدى, جالپى جۇرتشىلىقتىڭ پىكىرلەرىن ەسكەرە وتىرىپ, ءتۇرلى باستامالار مەن زاڭ جوبالارىن ونلاين-تالقىلاۋ مۇمكىندىگىن كوزدەيدى. 

ال 1-3 قازان ارالىعىندا ءموبيلدى قوسىمشا جانە ارنايى ۆەب-پورتال ارقىلى ەلەكتروندى داۋىس بەرۋدى وتكىزۋ جوسپارلانىپ وتىر. داۋىس بەرۋدىڭ سوڭعى كۇنى (3 قازان) باس­تاۋىش پارتيا ۇيىمدارىنىڭ بازاسىندا سايلاۋ ۋچاسكەلەرى اشىلادى. ينتەرنەت جەلىسى جوق ەلدى مەكەن تۇرعىندارى سايلاۋ ۋچاسكەلەرىنە كەلىپ, قاعاز بيۋل­لەتەندەر ارقىلى داۋىس بەرۋى­نە بولادى. ۇمىتكەرلەردىڭ رەي­تينگى كورسەتىلگەن پرايمەريز ناتي­جەلەرى 5 قازاندا جاريالانادى.

ايتا كەتەيىك, بۇعان دەيىن Nur Otan پارتياسى پرايمەريز وتكى­زۋ, سونداي-اق كانديداتتارعا ۇيىم­داس­تىرۋشىلىق جانە قۇقىقتىق قولداۋ كورسەتۋ ماسەلەلەرى بويىن­شا 8 (800) 080 4441 ارنايى جەلىنى ىسكە قوسقان بولاتىن. سوڭعى 2 ايدىڭ وزىندە اتال­عان جەلىگە 15 مىڭعا جۋىق قوڭى­راۋ ءتۇسىپتى. سونىڭ ىشىندە, پراي­مە­ريزگە قاتىسۋعا ءوتىنىش بىلدىر­گەن­دەردىڭ جارتىسىنان كوبى 30 بەن 44 جاس ارالىعىنداعى ازاماتتار.