الەمدىك وركەنيەت بەسىگىنىڭ ءبىرى كونە ۇندىستانعا ۆيرۋس سالعان شەڭگەل قۇرساۋىن بوساتار ەمەس. وسىلايشا اقش پەن برازيليادان كەيىنگى ءۇشىنشى ورىنعا شىققان ينديا رەسپۋبليكاسىنىڭ تۇرعىندارى كۇنىنە مىڭداپ اۋرۋ جۇقتىرىپ جاتىر, دەپ حابارلايدى Egemen.kz.
17 تامىزداعى ربك جانە REGNUM حابارلارىنا قاراعاندا ينديادا 2 648 353 ادام كۆي ادام جۇقتىرعان. 51 059 پاتسيەنت ۆيرۋس كەسىرىنەن كوز جۇمىپ, 8944 ادام اۋىر حالدە جاتقان كورىنەدى.
ينديانىڭ فارميندۋستريا جاقسى دامىعان ەلدەردىڭ قاتارىندا ەكەنى بەلگىلى. پاندەميا جاريالانعاننان بەرى ۇندىستاندىق عالىمدار SARS-CoV-2-گە قارسى ۆاكتسينا جاساۋ ىسىنە كىرىسىپ كەتەن-ءدى. 15 تامىز ينديا تاۋەلسىزدىگى مەرەكەسىندە ەسكى دەليدىڭ قىزىل قامال مىنبەرىندە ءداستۇرلى قۇتتىقتاۋىن ايتىپ ءسوز سويلەگەن ەلدىڭ پرەمەر-ءمينيسترى نارەندرا ءمودي ۇش ءتۇرلى ۆاكتسينانىڭ كلينيكالىق تاجىريبەلەردەن ءوتىپ جاتقانىن حابارلادى. «قازىر 3 ۆاكتسينا ءتۇرلى كەزەڭدەگى سىناقتاردان وتۋدە. ولار دايىن بولىسىمەن قىسقا مەرزىمدە وندىرىسكە شىعارامىز, وعان ءاربىر ۇندىلىكتىڭ قولى جەتەتىن بولادى», دەدى مودي مىرزا.
ەگەر ۆيرۋستان سىرقاتتانعاندار ىشىندە قاي شاتتىڭ الدا ەكەنىن ايتار بولساق, وندا ۇندىستانداعى كينووندىرىسى جولعا قويىلعان ورتالىعى مۋمباي سانالاتىن ماحاراشترا شتاتى ەڭ الدىڭعى ورىندا, ودان كەيىن تاميلناد, ءۇشىنشى دەلي شتاتى COVID-19-بەن اۋرۋدان الدىڭعى ۇشتىككە كىرىپتى. الەمدىك ستاتيستيكا بويىنشا ينديا ادام ءولىمى تىركەلۋى جونىنەن 8-ءشى پوزيتسيادا.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ۇشىن Telegram جەلىسىندە بىزگە جازىلىڭىز.