كاناداداعى مانيتوبا ۋنيۆەرسيتەتىنىڭ عالىمدارى تازا ماقتا-ماتادان تىگىلگەن كيىمدەر مەن تۇمشاعا تۇسكەن SARS-CoV-2 ۆيرۋسى ءبىر تاۋلىككە جەتپەي بەلسەندىلىگىن جوياتىنىن انىقتاعانى جايلى medRxiv-كە سۇيەنە وتىرىپ ربك جازدى, دەپ حابارلايدى Egemen.kz.
زەرتتەۋشىلەر ءتۇرلى ماتەريالداردا ۆيرۋستىڭ قالاي تىرشىلىك ەتەتىنىن سارالاي كەلە ەشقانداي قوسپاسىز تازا ماقتادان الىنعان شۇبەرەك اتاۋلىدا ۆيرۋستىڭ ءومىر سۇرە المايتىنىنا كوزدەرىن جەتكىزىپتى.
عالىمدار دارىگەرلەر كيەتىن نيتريلدەن جاسالعان قولعاپتاردى, N-95 جانە N-100 بەت تۇمشالارىن, سوسىن وتە جەڭىل ءارى بەرىك Tyvek اتتى توقىلماعان ماتەريالدى, پلاستيك جانە تات باسپايتىن بولاتتى 3 اپتا بويىنا ۆيرۋستى ورتادا ۇستاپ سىناعان. سوندا ماقتادان تىگىلگەن بۇيىمداردا ۆيرۋس تاۋلىككە جەتپەي قۇرىپ كەتىپ وتىرعان كورىنەدى.
يللينويس ۋنيۆەرسيتەتىنىڭ عالىمدارى دا (ازىرگە ساراپتاۋشىلاردىڭ ناقتى قورتىندىسى شىقپاعان) تازا ماقتادان توقىلعان جۇمساق ماتانىڭ 3 قاباتى ۆيرۋستان حيرۋرگيالىق ارنايى قورعانىش كيىمدى الماستىرا الادى دەگەن تۇجىرىمعا كەلىپ وتىر ەكەن. ال رەسەيدىڭ زەرتتەۋشىسى ستانيسلاۆ وتستاۆنوۆەگەر ماقتادان تىگىلگەن كيىمدى ۇيگە اكەلىپ ءىلىپ قويىپ, ءبىر تاۋلىكتەن سوڭ ەش قاۋىپسىز, كۇماندانباستان كيىپ كەتۋگە بولادى دەيدى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.