تۇركىستان وبلىسىندا پوليتسەيلەر ءامياندار مەن بانك كارتوچكالارىن ۇرلاعان كۇدىكتىلەردى ۇستادى, – دەپ حابارلايدى Egemen.kz Polisia.kz سايتىنا سىلتەمە جاساپ.
ماقتارال اپب-ءنىڭ كەزەكشى بولىمىنە بازاردا ساتۋشى بولىپ جۇمىس ىستەيتىن اتاكەنت كەنتىنىڭ تۇرعىنى, ۇرلىق تۋرالى ارىزدانادى. جابىرلەنۋشىنىڭ ايتۋىنشا, جەرگىلىكتى بازارلاردىڭ بىرىندە دۇكەن سورەسىنەن بەلگىسىز بىرەۋلەر ونىڭ اقشاسى مەن قۇجاتتارى سالىنعان ءاميانىن ۇرلاپ كەتكەن.
بۇل جايت قر قك-ءنىڭ 188-بابى (ۇرلىق) بويىنشا سدتبت-عا تىركەلدى. ءامياندا 12,5 مىڭ تەڭگەدەن باسقا قۇجاتتار مەن بانك كارتوچكالارى دا بولعان. وقيعا ورنىنا بىردەن ماقتاارال اپب-ءنىڭ جەدەل-تەرگەۋ توبى شىقتى. ۇرلىقتى اشۋ ماقساتىندا پوليتسەيلەر بارلىق قاجەتتى جەدەل-ىزدەستىرۋ شارالارىن جۇرگىزدى. ولار قىلمىس ورنى مەن بەينەباقىلاۋ كامەرالارىن مۇقيات تەكسەرىپ, كۋاگەر بولۋى مۇمكىن ادامدارمەن سويلەستى.
ناتيجەسىندە ءتارتىپ ساقشىلارى ماقتاارال اۋدانىنىڭ زەينەتكەر ايەل تۇرعىنىن, ياعني كۇدىكتىنى ۇستاعان. كۇدىكتى جەدەل تۇردە پوليتسيا بولىمىنە جەتكىزىلدى. انىقتالعانداي, ەگدە جاستاعى ايەل ادام ساتۋشىنىڭ بىرەر ساتكە بۇرىلعانىن پايدالانىپ, بىلدىرتپەي ءاميانىن ۇرلاپ, قىلمىس ورنىنان ءىزىن جاسىرعان.
قازىرگى ۋاقىتتا بوتەننىڭ مۇلكىن ۇرلاۋ دەرەگى بويىنشا سوتقا دەيىنگى تەرگەۋ امالدارى جۇرگىزىلۋدە.