پەداگوگ قىزمەتكەرلەردىڭ رەسپۋبليكالىق «تامىز كەڭەسى» اياسىندا ء«بىلىم جانە دەنساۋلىق: دەنە شىنىقتىرۋ جانە سپورت الەۋەتى» تاقىرىبىنداعى سەكتسياسىنىڭ ونلاين وتىرىسى ءوتتى, - دەپ حابارلايدى Egemen.kz.
قازاقستان رەسپۋبليكاسى پرەمەر-ءمينيسترىنىڭ ورىنباسارى توعجانوۆ ەرالى لۇقپان ۇلى ارنايى تامىز كەڭەسىنىڭ سەكتسيالىق وتىرىسىنا قاتىسىپ, ۇستازداردى جاڭا وقۋ جىلىمەن قۇتتىقتادى جانە الداعى ماڭىزدى جۇمىستارىنا ساتتىلىك تىلەدى.
قازاقستان رەسپۋبليكاسى مادەنيەت جانە سپورت مينيسترلىگى سپورت جانە دەنە شىنىقتىرۋ كوميتەتىنىڭ توراعاسى جاراسباەۆ سەرىك مارات ۇلى, قازاقستان ۇلتتىق ستۋدەنتتىك سپورت وداعىنىڭ پرەزيدەنتى, قازاقستان رەسپۋبليكاسىنىڭ ەڭبەك سىڭىرگەن قايراتكەرى زاكيريانوۆ قايرات قايروللا ۇلى, قازاقستان رەسپۋبليكاسى ۇلتتىق وليمپيادالىق كوميتەتى پرەزيدەنتىنىڭ كەڭەسشىسى ورداباەۆ باقىتجان قۇتىم ۇلى جانە سپورت ديرەكتسياسىنىڭ ديرەكتورى قاناعاتوۆ ەلسيار بايمۇحامەد ۇلى ۇستازداردى الداعى وقۋ جىلىندا تابىستى ەڭبەك ەتۋگە شاقىرىپ, ماڭىزدى جۇمىستارىنا ساتتىلىك تىلەدى.
2019 جىلى الماتى قالاسىنداعى يۋنەسكو كلاستەرلىك بيۋروسى سپورتتى دامىتۋ جانە ىلگەرىلەتۋ ءۇشىن قازاقستان رەسپۋبليكاسىنىڭ ۇلتتىق وليمپيادا كوميتەتىمەن ىنتىماقتاستىق تۋرالى مەموراندۋمعا قول قويىلعان. ەلىمىزدىڭ جەتەكشى سپورت ينستيتۋتىمەن كەلىسىم نەگىزىندە يۋنەسكو-نىڭ سپورت سالاسىنداعى باعدارلامالارى جونىندە "يۋنەسكو" كلاسستەرلىك بيۋروسى ديرەكتورىنىڭ مىندەتىن اتقارۋشى مەيىرگۇل الپىسباەۆا باياندادى.
"دەنساۋلىقتى نىعايتۋعا ىقپال ەتەتىن مەكتەپتەر" جوباسى شەڭبەرىندە رەسپۋبليكانىڭ 700-دەن استام مەكتەبى وقۋشىلاردىڭ دەنساۋلىعىن ساقتاۋ جانە نىعايتۋ; مىنەز-ق ۇلىق قاۋىپ فاكتورلارىنىڭ الدىن الۋ جانە بالالاردى سالاۋاتتى ءومىر سالتىنا ىنتالاندىرۋ بويىنشا ءىس-شارالار وتكىزەدى. وسى رەتتە, دۇنيەجۇزىلىك دەنساۋلىق ساقتاۋ ۇيىمىنىڭ قازاقستانداعى وكىلى دوكتور كەرولاين كلارينۆال اتقارىلعان جۇمىستار جايلى ايتتى.
بالالاردىڭ قوزعالىس بەلسەندىلىگىنىڭ شەكتەلۋى مەن وقشاۋلانۋ جاعدايىندا اقپاراتتىق اعىنىنىڭ ارتۋى دەنساۋلىققا دا, ولاردىڭ پسيحوەموتسيونالدى جاي-كۇيىنە دە تەرىس اسەرىن تيگىزەدى. پاندەميادان كەيىن جاڭاشا ءومىر ءسۇرۋدى ۇيرەنۋگە تۋرا كەلەدى, ياعني سپورت پەن دەنە شىنىقتىرۋ ومىرلىك داعدىلار مەن باستى قۇندىلىقتاردى قالىپتاستىرۋدىڭ, قيىن جاعدايلارعا توزىمدىلىكتى ارتتىرۋدىڭ قۇرالى رەتىندە قيىندىقتاردى جەڭۋدىڭ ۇلگىسى بولۋى كەرەك. "يۋنەسكو" كلاستەرلىك بيۋروسىنىڭ الەۋمەتتىك جانە گۋمانيتارلىق عىلىمدار سەكتورىنىڭ جەتەكشىسى مياسوەد ارينا اتالمىش تاقىرىپ تۋرالى ويلارىن ورتاعا سالدى.
ەلىمىزدەگى اكتۋالدى ماسەلەنىڭ ءبىرى - قازىرگى زامانعى تەحنولوگيالاردىڭ دامۋىنا بايلانىستى جاسوسپىرىمدەر مەن بالالاردىڭ دەنە بەلسەندىلىگىنىڭ تومەندەگەنى. وسىعان وراي, «ۇتقىرلىق جانە فيزيكالىق بەلسەندىلىك بالالار اراسىندا سەمىزدىك پەن ارتىق دەنە سالماعىنىڭ تومەندەۋىنىڭ فاكتورى رەتىندە. ەۋروپا ەلدەرىنىڭ وزىق تاجىريبەلەرى» تاقىرىبىندا دۇنيەجۇزىلىك دەنساۋلىق ساقتاۋ ۇيىمىنىڭ "دەنساۋلىقتى نىعايتۋعا ىقپال ەتەتىن مەكتەپتەر" جوباسىنىڭ ۇلتتىق ۇيلەستىرۋشىسى, قازاقستان رەسپۋبليكاسى دەنساۋلىق ساقتاۋ مينيسترلىگىنىڭ قوعامدىق دەنساۋلىق ساقتاۋ ۇلتتىق ورتالىعىنىڭ قىزمەتكەرى اقبوتا ءابدىلدينا بايانداما جاسادى.
پەداگوگيكا عىلىمدارىنىڭ دوكتورى, پروفەسسور, ۋكراينا عىلىم اكادەمياسىنىڭ تولىق مۇشەسى, ۋكراينانىڭ عىلىم مەن تەحنيكانىڭ ەڭبەك سىڭىرگەن قايراتكەرى, ۋكراينا ۇلتتىق وليمپيادا كوميتەتىنىڭ ۆيتسە-پرەزيدەنتى, ۋكراينا وليمپيادا اكادەمياسىنىڭ پرەزيدەنتى, " بۋلاتوۆا ماريا ميحايلوۆنا بۋلاتوۆا ماريا ميحايلوۆنا "جالپى ءبىلىم بەرەتىن مەكتەپتەگى وليمپيزم» تاقىرىبىندا تاجىريبەسىمەن ءبولىستى.
سوڭعى جىلدارى ءبىلىم سالاسى تىڭ جاڭالىقتارعا تولى. سولاردىڭ ءبىرى – جاڭارتىلعان ءبىلىم بەرۋ مازمۇنى. وسى ماسەلە بويىنشا ى.التىنسارين اتىنداعى ۇلتتىق ءبىلىم اكادەمياسىنىڭ اعا عىلىمي قىزمەتكەرى كوپتىلەۋوۆا ءسانزيا قانتورەقىزىنا ءسوز بەرىلدى.
4-توقسانداعى مۇعالىمدەردىڭ قاشىقتان وقىتۋ تاجىريبەسىن زەرتتەۋ ناتيجەسىندە «ۇلتتىق عىلىمي-پراكتيكالىق دەنە تاربيەسى ورتالىعىنىڭ» ماماندارى ازىرلەگەن «دەنە شىنىقتىرۋ» پانىنەن قاشىقتىقتان وقىتۋدى ۇيىمداستىرۋ بويىنشا ادىستەمەلىك ۇسىنىمداردى» وسى جونىدە ورتالىقتىڭ زەرتحانا جەتەكشىسى, پەداگوگيكا عىلىمدارىنىڭ كانديداتى تۇياقباەۆا مەرۋەرت شەكەيقىزى تانىستىردى.
نۇر-سۇلتان قالاسى, №64 مەكتەپ-ليتسەيىنىڭ دەنە شىنىقتىرۋ ءپانىنىڭ اعا وقىتۋشىسى ورمانبەكوۆا ءلاززات سانسىزبايقىزى قاشىقتان وقىتۋ بويىنشا ءوز تاجىريبەسىمەن ءبولىستى.
سونىمەن قاتار, قاشىقتىقتان وقىتۋدى ۇيىمداستىرۋ بويىنشا بەينەروليك كورسەتىلدى. ونلاين كونفەرەنتسيانىڭ قورىتىندى وتىرىسى ەرتەڭ, 14 تامىز ساعات 11:00-دە Zoom پلاتفورماسىندا جالعاسادى.