قازاقستان ەلشىسى اۋعانستان دەنساۋلىق ساقتاۋ مينيسترىمەن كەزدەستى

كابۋل, 2020 جىلعى 12 تامىز – قازاقستاننىڭ اۋعانستانداعى ەلشىسى ءالىمحان ەسەنگەلديەۆ اۋعانستاننىڭ دەنساۋلىق ساقتاۋ ءمينيسترى احماد دجاۆاد وسمانيمەن كەزدەسۋ وتكىزدى.

كەزدەسۋ بارىسىندا تاراپتار ەكى ەلدە كوروناۆيرۋستىق ينفەكتسيانىڭ تارالۋىنىڭ قازىرگى جاعدايىن, دەنساۋلىق ساقتاۋ سالاسىنداعى ىنتىماقتاستىقتىڭ پەرسپەكتيۆالىق باعىتتارىن جانە ءوزارا قىزىعۋشىلىق تۋدىراتىن باسقا دا ماسەلەلەردى تالقىلادى.

دەنساۋلىق ساقتاۋ ءمينيسترى قازاقستانعا كوروناۆيرۋس پاندەمياسى كەزەڭىندە اۋعانستان حالقىنا كورسەتكەن كومەگى ءۇشىن ىزگى ريزاشىلىعىن ءبىلدىردى.

2020 جىلعى 20 ماۋسىمدا حايراتون قالاسىندا اۋعانستان يسلام رەسپۋبليكاسىنىڭ حالقى ءۇشىن قازاقستاندىق گۋمانيتارلىق كومەكتى رەسمي تاپسىرۋ ءراسىمى ءوتتى.

بارلىق سانيتارلىق-ەپيدەميولوگيالىق نورمالاردى ساقتاي وتىرىپ, ىشىندە 1900 توننا ۇن, 500 توننا ماكارون ونىمدەرى, 4 مىڭ ليتر كۇنباعىس مايى جانە 200 مىڭ قويۋلاتىلعان ءسۇت بانكالارى كىرەتىن 46 ۆاگون گۋمانيتارلىق جۇك جەتكىزىلدى.

اتالعان ازىق-ت ۇلىك ونىمدەرىن اير ۇكىمەتى ەلدىڭ مۇقتاج ايماقتارىنا تاراتتى.