اۋىلشارۋاشىلىعى مينيسترلىگى فەرمەرلەردىڭ ءسۇت فەرمالارىنا قىزىعۋشىلىعىن جانە ءسۇت باعىتىنداعى ءىرى قارا مالدىڭ ۇلەسىن ارتتىرۋ ماقساتىندا مال شارۋاشىلىعى ونىمدەرىنىڭ ونىمدىلىگى مەن ساپاسىن ارتتىرۋدى سۋبسيديالاۋ ەرەجەلەرىنە تۇزەتۋلەر ەنگىزدى, - دەپ حابارلايدى Egemen.kz مينيسترلىكتىڭ ءباسپاسوز قىزمەتىنە سىلتەمە جاساپ.
مينيستر ساپارحان وماروۆتىڭ اعىمداعى جىلدىڭ 17 شىلدەسىندەگى بۇيرىعىمەن ءسۇتتى مال شارۋاشىلىعىندا يمپورتتالعان اسىل تۇقىمدى انالىق مال باسىن ساتىپ الۋ ءۇشىن سۋبسيديالاۋ ءنورماتيۆى 225-تەن 400 مىڭ تەڭگەگە دەيىن, وتاندىق مال باسىن ساتىپ الۋ ءۇشىن - 150-دەن 200 مىڭ تەڭگەگە دەيىن, سونداي-اق ءسۇت قۇنىن ارزانداتۋ ءۇشىن سۋبسيديالاۋ نورماتيۆتەرى سىناق سالماعىنىڭ ءبىر كيلوگرامى ءۇشىن 20-دان 45 تەڭگەگە دەيىن وزگەرىپ وتىرادى. بۇرىنعى نورماتيۆ بويىنشا كيلوگرامى 10-35 تەڭگەنى قۇراعان بولاتىن.
بۇدان باسقا, ونەركاسىپتىك جانە وتباسىلىق ۇلگىدەگى ءسۇت-تاۋار فەرمالارىن سالۋعا ارنالعان ينۆەستيتسيالىق شىعىنداردى وتەۋ ماقساتىندا № 6 پاسپورت كوزدەلگەن, ونىڭ شەڭبەرىندە قۋاتى 400 انالىق مال باسىنان باستالاتىن ءسۇتتى باعىتتاعى ءىرى قارا مالدى وسىرۋگە ارنالعان وبەكتىلەردى قۇرۋ جانە كەڭەيتۋ ءۇشىن جانە 50 انالىق مال باسىنان باستاپ ءسۇت-تاۋار فەرماسىنا ارنالعان جابدىقتار ساتىپ الۋ ءۇشىن شىعىنداردىڭ 25% وتەلەدى.
سونىمەن قاتار, «قازاگرو» ۇبح» اق سىياقى مولشەرلەمەسى 6% جانە 10 جىلعا دەيىنگى مەرزىمگە ارنالعان وندىرىستىك ءسۇت-تاۋارلارى فەرمالارىنىڭ قۇرىلىسىن قارجىلاندىرۋ بويىنشا جۇمىس جۇرگىزۋدە.
بۇعان دەيىن حابارلاعانىمىزداي, اگروونەركاسىپتىك كەشەندى دامىتۋدىڭ مەملەكەتتىك باعدارلاماسىنا جانە ءسۇت ونىمدەرىنە يمپورتتى الماستىرۋ جوسپارلارىنا سايكەس, اۋىل شارۋاشىلىعى مينيسترلىگى جىل سايىن 25 ونەركاسىپتىك ءسۇت فەرمالارىن پايدالانۋعا بەرۋ بويىنشا بەلسەندى جۇمىس جۇرگىزۋدە.
2020 جىلدىڭ ءبىرىنشى جارتىجىلدىعىندا قازاقستاندا جالپى مال سانى 3810 باس ىقم قۇرايتىن 6 ءىرى ءسۇت فەرماسى ىسكە قوسىلدى, جىل سوڭىنا دەيىن تاعى 16 ءسۇت تاۋارلارى فەرماسىن ىسكە قوسۋ جوسپارلانۋدا.
ءسۇت فەرمالارىن دامىتۋعا قىزىعۋشىلىق تانىتقان فەرمەرلەرگە قولداۋ كورسەتۋ ماقساتىندا اۋىل شارۋاشىلىعى مينيسترلىگى جازدا تاعى بىرنەشە شارالار قابىلدادى.
اتاپ ايتقاندا, فەرمەرلەردىڭ ءوتىنىشى بويىنشا مال شارۋاشىلىعى كەشەندەرىن سالۋعا ارنالعان ينۆەستيتسيالىق جوبالاردى قارجىلاندىرۋ كەزىندەگى كەپىل, سونداي-اق بولاشاقتا كەپىلگە قويىلاتىن مال, تەحنيكا مەن جابدىقتى ساتىپ الۋعا ارنالعان نەسيە تالاپتارىنا وزگەرىستەر ەنگىزىلدى. اۋىل شارۋاشىلىعى مينيسترلىگى ينۆەستيتسيالىق جوبانى ىسكە اسىرۋ بارىسىندا كەپىلزات جەتىسپەگەن جاعدايدا نەسيە سوماسىنىڭ 85% -ىنا دەيىن كەپىلدىك بەرۋ مەحانيزمىن ەنگىزدى. ال مالدى قازىر 1: 1 وتىمدىلىك كوەففيتسيەنتىمەن ساتىپ الۋعا بولادى. سونىمەن قاتار, فەرمەرلەر سۋبسيديا العاننان كەيىن, تۇراقتى كەپىل 15% بولادى. قالعان 85% ساتىپ الىنعان مالمەن قامتاماسىز ەتىلەدى.
سونداي-اق, اۋىل شارۋاشىلىعى مينيسترلىگى ءسۇت وندىرۋگە ارنالعان مال شارۋاشىلىعى كەشەندەرىن 1500-گە دەيىن (قوسا العاندا) دەيىن تەحنيكالىق تۇرعىدان كۇردەلى ەمەس نىساندارعا اۋىستىرۋ تۋرالى باستاما كوتەردى, بۇل مەملەكەتتىك مونوپولياعا بايلانىستى كەشەندى ۆەدومستۆولىق ەمەس ساراپتاما قاجەتتىلىگىن جويدى. ەندى فەرمەرلەرگە ءوز قالاۋى بويىنشا كەز-كەلگەن اككرەديتتەلگەن ۇيىمدى ستف قۇرىلىسىنىڭ جوبالارىنا تەحنيكالىق-ەكونوميكالىق نەگىزدەمەسىنە جانە جوبالىق-سمەتالىق قۇجاتتاماسىنا ساراپتاما جۇرگىزۋگە تاڭداۋعا مۇمكىندىك بەرىلەدى. بۇل قۇرىلىس ءۇشىن قۇجاتتاردى راسىمدەۋ پروتسەسىن تەزدەتەدى, سونىمەن قاتار فەرمەرلەر ءۇشىن شىعىنداردى ازايتادى.
بۇل وزگەرىستەر ىشكى نارىقتى ءسۇت ونىمدەرىمەن قامتاماسىز ەتۋ, وڭدەۋشى كاسىپورىندارعا جۇكتەۋ, ايماقتاردا جۇمىس ورىندارىن قۇرۋ جانە ت.ب. ماسەلەلەردى شەشۋگە وڭ اسەر ەتەدى.
وسىلايشا, يمپورتتى الماستىرۋ بويىنشا مەملەكەت اعىمداعى جىلدىڭ 1-جارتىجىلدىعىندا ءسۇتتى مال شارۋاشىلىعىمەن اينالىساتىن فەرمەرلەردى قولداۋدى ەداۋىر كەڭەيتتى.