بۇل تۋرالى بەلگىلى مەملەكەت جانە قوعام قايراتكەرى, «ادالدىق الاڭى» جوبالىق كەڭسەسىنىڭ جەتەكشىسى ايگۇل سولوۆەۆا مالىمدەدى. ول وتكەن جىلدىڭ قاراشاسىندا قر ەكولوگيا, گەولوگيا جانە تابيعي رەسۋرستار مينيسترلىگى جانىنان قر سىبايلاس جەمقورلىققا قارسى ءىس-قيمىل اگەنتتىگىمەن بىرلەسىپ قۇرىلدى. ايگۇل سولوۆەۆا ەكولوگيا مينيسترلىگىنىڭ سىبايلاس جەمقورلىقتىڭ الدىن-الۋ تاقىرىبىنداعى وتىرىسى شەڭبەرىندە ءسوز سويلەدى, - دەپ حابارلايدى Egemen.kz
"بىزدە, مىسالى, ينتەراكتيۆتى كارتا جانە شاعىمدار كەلىپ تۇسەتىن ۆەب-سايت, وڭىرلىك جەلىلىك قۇرىلىم, ارنايى ەلەكتروندىق پوشتا, جەكە چات بار. ءبىز سونىمەن بىرگە حالىقپەن جۇمىس ىستەيمىز, كوپتەگەن اشىق الاڭدارىمىز بار. مەن بۇل جۇمىستى ادالدىققا, الدىن الۋ شارالارىنا باسا نازار اۋدارا وتىرىپ, جالعاستىرعىم كەلەدى", - دەدى سولوۆەۆا حانىم.
ونىڭ ايتۋىنشا, شىعىس, باتىس قازاقستان وبلىستارى, نۇر-سۇلتان جانە پاۆلودار قالاسى جوبا كەڭسەسىنىڭ جۇمىسىنا بەلسەندى قاتىسادى. ءوز كەزەگىندە, ەكولوگيا ءمينيسترى ماعزۇم مىرزاعاليەۆ جۇرتشىلىقپەن ىنتىماقتاستىقتىڭ ماڭىزدىلىعى تۋرالى پىكىرمەن كەلىسەدى. ەكولوگيا مينيسترلىگى جاقىندا قازاقستاننىڭ ءتۇرلى وڭىرىندە, سونداي-اق ونلاين رەجىمدە جۇرتشىلىقپەن بىرقاتار كەزدەسۋلەر وتكىزدى. ول سونىمەن قاتار ەكولوگيالىق ماسەلەلەردى شەشۋدەگى سىبايلاس جەمقورلىققا نولدىك توزىمدىلىكتىڭ قاجەتتىلىگى تۋرالى ءوزىنىڭ ۇستانىمىن ءبىلدىردى.