2020 جىلعى 3 ماۋسىمىندا «قازاقستاننىڭ ينۆەستيتسيالىق قورى» اق جانە Kusto Group كومپانياسىنىڭ حالىقارالىق توبىنا كىرەتىن «Semey Tannery» جشس اراسىندا سەمەي قالاسىنداعى تەرى-بىلعارى كومبيناتىن كەيىننەن ساتىپ الۋ قۇقىعىمەن م ۇلىكتى جالعا الۋ شارتىنا قول قويىلدى, دەپ حابارلادى يدم ءباسپاسوز قىزمەتى, - دەپ جازادى Egemen.kz.
وتاندىق ينۆەستور قازاقستاندا مال شارۋاشىلىعى جوبالارىن دامىتۋدىڭ جالپى ستراتەگياسى شەڭبەرىندە كومبيناتقا قىزىعۋشىلىق تانىتىپ, اۋىل شارۋاشىلىعى سالاسىنىڭ جاناما ءونىمى – ىقم تەرىسىن تۇتىنۋشىعا اينالادى.
ينۆەستور 2 اي ىشىندە زاۋىتتىڭ اۋماعى مەن جابدىعىن ىسكە قوسۋعا دايىندادى.
كومبينات نەگىزگى قىزمەت ءتۇرى بويىنشا ىسكە قوسىلدى: ىقم تەرىسىن وڭدەۋ, بىلعارى ونىمدەرىن ءوندىرۋ جانە وتكىزۋ - wet blue حرومدى يلەۋدىڭ ەكسپورتقا باعىتتالعان جارتىلاي فابريكاتى.
"قازىر كومبيناتتا 60-تان استام ادام جۇمىس ىستەيدى, ءبىز بۇرىن زاۋىتتا جۇمىس ىستەگەن تەحنيكالىق ماماندار مەن جەرگىلىكتى شيفەر زاۋىتىنىڭ ماماندارىن تارتتىق. بولاشاقتا كومبينات قۋاتتىلىعىنىڭ جۇكتەلۋىنە قاراي قىزمەتكەرلەر سانى ارتادى, 200 ادامعا دەيىن تارتۋدى جوسپارلاپ وتىرمىز.
ماۋسىم-شىلدە ايلارىندا ءبىز بارلىق قاجەتتى جۇمىستاردى جۇرگىزدىك: كارىزدى تازالاۋ, نىساندى كۇزەتۋ, بارلىق تەحنولوگيالىق جابدىقتىڭ جۇمىس قابىلەتتىلىگىن تەكسەرۋ قامتاماسىز ەتىلدى. مىسالى, كەي جەردە ءىشىنارا جوندەۋ قاجەت بولدى, شاتىر, جۇمىسشىلاردىڭ بولمەلەرى قالپىنا كەلتىرىلدى, جۇمىسشىلار ءۇشىن سەبەزگىلەر جاسالدى.
بۇگىنگى تاڭدا شيكىزات جەتكىزۋ پارتياسى الىندى, ىسكە قوسۋ-رەتتەۋ جۇمىستارىن جۇرگىزدىك, 3000 شارشى مەتردەن استام دايىن ءونىم - wet blue جارتىلاي فابريكاتىنىڭ تاجىريبەلىك پارتياسىن شىعاردىق", - دەپ حابارلادى "Semey Tannery" جشس اتقارۋشى ديرەكتورى رۋسلان بيسەنوۆ.
جوعارى ساپالى بىلعارىنى حرومدى يلەۋدىڭ wet blue جارتىلاي فابريكاتىن دايىنداۋ - بۇل جوعارى كاسىبي كوزقاراس پەن مامانداندىرىلعان ءبىلىمدى قاجەت ەتەتىن ءۇش ساتىلى يلەۋ پروتسەسى. بۇل ءونىم جوعارى ساپادان باسقا, بەرىكتىگىمەن, قولايلى وزىندىك قۇنىمەن جانە سايكەسىنشە, ماتەريالدىڭ تومەن باعاسىمەن ەرەكشەلەنەدى.
بۇل جارتىلاي فابريكاتتى جەڭىل, جىلى كۇرتەشەلەر, اياق كيىم, اكسەسسۋارلار شىعارۋ ءۇشىن قولدانۋعا بولادى: ءار ءتۇرلى قالپاقتار, بەلدىكتەر جانە ت.ب.
كومبيناتتىڭ قۋاتى جىلىنا 1,7 ملن. شارشى مەترگە دەيىن wet blue جارتىلاي فابريكاتىن قۇراۋى مۇمكىن. جارتىلاي فابريكاتتاردى ءوندىرۋ تەحنولوگياسىندا قولدانىلاتىن شيكىزات پەن قاجەتتى حيميالىق پرەپاراتتاردى جەرگىلىكتى جەتكىزۋشىلەر جەتكىزەدى, سونىمەن قاتار ءىشىنارا رەسەيدەن ساتىپ الىنادى.
قازىرگى ۋاقىتتا قيق پروبلەمالىق اكتيۆتەردى ودان ءارى ىسكە قوسۋ ماقساتىندا ولاردى باسەكەلەس ورتاعا بەرۋ بويىنشا جۇمىس جۇرگىزۋدە.
2014 جىلى پروبلەمالىق جوبا رەتىندە تەرى-بىلعارى كومبيناتى قوردىڭ اكتيۆتەر قورجىنىنا ءوتتى, كومبيناتتىڭ بۇرىنعى يەسىنىڭ بانكروتتىعىنا بايلانىستى قور كومبيناتتى ساقتاۋ ماقساتىندا 2019 جىلعى 15 قاراشادان باستاپ كاسىپورىننىڭ م ۇلىكتىك كەشەنىن بالانسقا اۋىستىرۋعا جانە ينۆەستور تارتىلعانعا دەيىن اكتيۆتى ۇستاۋ بويىنشا شىعىنداردى كوتەرۋگە ءماجبۇر بولدى.
قازىرگى ۋاقىتتا بۇرىنعى مەنشىك يەسى جوعارىدا اتالعان شەشىمدى سوتتا داۋلاۋدا, بۇل كەشەندى جاڭعىرتۋ ماقساتىندا ينۆەستورعا تولىق بەرۋ راسىمىنە كەدەرگى كەلتىرەدى.