دونورلىق قاننىڭ جەتىسپەۋى بۇكىل قازاقستان ءۇشىن قازىرگى كوكەيكەستى ماسەلەنىڭ ءبىرى. ءتۇرلى باستامالار ارقىلى وعان قوعامنىڭ ۇنەمى نازارى اۋدارىلىپ كەلەدى. ساۋاپتى ىسكە بۇل جولى قىلمىستىق-اتقارۋ جۇيەسى جامبىل وبلىستىق دەپارتامەنتى جد-158/7 مەكەمەسىنىڭ قىزمەتكەرلەرى مۇرىندىق بولدى, - دەپ حابارلايدى Egemen.kz.
بۇل ءتارتىپ ساقشىلارى ءۇشىن ءداستۇرلى شارا. ولار جىلىنا ەكى مارتە وبلىستىق قان ورتالىعىنا كەلۋدى داعدىعا اينالدىرعان. دونور بولۋ ارقىلى قانعا ءزارۋ ناۋقاستارعا كومەك بەرۋدى ۇيعاردى.
اۋەلى قان تاپتىرماس بۇرىن دونورلار الدىمەن مەديتسينالىق ساۋالناما تولتىردى. قان قىسىمى ولشەنىپ, ءتۇرلى اۋرۋ بەلگىلەرىنىڭ بار-جوعى زەرتحانالىق جولمەن انىقتالدى. تەك سونىڭ قورىتىندىسى بويىنشا عانا قان تاپسىرۋعا رۇقسات الدى. ارقايسىسىنان 450 گراممنان قان تاپسىردى. جيىلعان قان قورىنىڭ قۇرامىندا سيرەك كەزدەسەتىن تەرىس رەزۋستى قان توبىنا يە ساقشىلار دا بولدى. سوندىقتان ول قىزمەتكەرلەردى ورتالىق ايرىقشا نازارىنا الدى. اق حالاتتىلار تاپسىرىلعان قان كولەمى مەن ونىڭ ءمىنسىز ساپاسىنا باسا نازار اۋدارادى. سونداي-اق, دونوردىڭ دەنساۋلىعى دا قاداعالاۋدا بولادى.
ءىس-شاراعا ۇجىم ۇيىمداسقان تۇردە ءبىر كىسىدەي اتسالىستى. ولار بۇل كۇنى قان تاپسىرىپ, دونور اتاندى. دارىگەرلەردىڭ دەرەگىنە سايكەس قازىرگى تاڭدا جاس دونورلار سانى از. ولار ۇنەمى قان تاپسىرىپ جۇرسە, زياندى ادەتتەردەن اۋلاق بولىپ, سايكەسىنشە, سالاۋاتتى ءومىر سالتىن ۇستاناتىن جاس بۋىن قاتارىنىڭ ارتاتىنىنا سەنىمدى.