قالا اكىمى التاي كولگىنوۆ تاڭەرتەڭگىلىك ارالاۋ كەزىندە بىرقاتار نىساننىڭ قۇرىلىس بارىسىمەن تانىستى. بۇل تۋرالى ول ءوزىنىڭ Instagram پاراقشاسىندا جازدى, - دەپ حابارلايدى Egemen.kz.
"يمۋنيتەتتى نىعايتىپ, سپورتپەن تۇراقتى شۇعىلدانۋدىڭ قاجەتتىگىن جاعدايدىڭ ءوزى كورسەتىپ بەردى. ءوندىرىس, كوكتال-2 جانە جەلەزنودوروجنىي ەلدى-مەكەندەرىندە ءىرى دەنە شىنىقتىرۋ - ساۋىقتىرۋ كەشەندەرىنىڭ قۇرىلىسى جۇرگىزىلىپ جاتىر. كەلەسى جىلى تاعى ءبىر قۇرىلىستى باستايمىز. بۇگىن جۇمىس ۋاقىتىنا دەيىن ەلدى-مەكەندە ورنالاسقان بىرقاتار نىساننىڭ قۇرىلىس بارىسىمەن تانىستىم. كوكتال-2 ەلدى-مەكەنىندە دەنە شىنىقتىرۋ-ساۋىقتىرۋ كەشەنى ورنالاسقان ورتالىقتا سپورتپەن شۇعىلدانۋعا ارنالعان سەكتسيالار, حقكو, پوشتا بولىمشەسى, پوليتسيا پۋنكتى, اعا بۋىن وكىلدەرىنىڭ ارنالعان كلۋب جانە ت.ب. بولادى. نىسان كەلەسى جىلى پايدالانۋعا بەرىلەدى. كوكتال-1 ەلدى-مەكەنىندە ەكى مەكتەپتىڭ قۇرىلىسىن جۇرگىزەمىز. بىرەۋى 1200 ورىنعا ەسەپتەلسە, ەكىنشىسى 500 ورىندىق (قولدانىستاعى وقۋ ورنىنىڭ اۋماعىندا ورنالاسقان). 2020 جىلى بارلىعى 12 مەكتەپ سالىپ, پايدالانۋعا بەرەمىز», - دەپ جازدى التاي كولگىنوۆ.