اتالعان شارا "Birgemiz: Taza Alem" جالپىۇلتتىق جوباسى اياسىندا ءوتتى, دەپ حابارلايدى ەلوردا اكىمدىگىنىڭ رەسمي سايتى.
پلوگگينگ فورماتىنداعى سەنبىلىكتە ەرىكتىلەر مەن ەكوبەلسەندىلەر سارىوبا كولى ماڭىن قوقىستان تازارتتى. قوقىستى سۇرىپتاۋ ءۇشىن ۆولونتەرلەرگە ارنايى 2 ءتۇستى قاپ بەرىلدى: اق قاپقا سۇرىپتالاتىن, ياعني پلاستيك, شىنى, اليۋميني جانە ماكۋلاتۋرا جينالىندى; ال جاسىل قاپقا قالعان سۇرىپتالمايتىن قوقىس جينالىندى. سەنبىلىكتىڭ سوڭىندا جينالعان قوقىس ارنايى كولىكپەن سۇرىپتالۋعا جىبەرىلدى.
"ەكوسەنبىلىك دەگەن جاي عانا سەنبىلىك ەمەس, ەڭ باستى قاعيداسى – جيناعان قوقىستى سۇرىپتاۋ. بارلىعى 20 قاپ قايتا وڭدەلمەيتىن قالدىقتار مەن 7 قاپ قاتتى قالدىقتار جينالىپ, قايتا وڭدەۋگە جىبەرىلدى. جالپى العاندا, ءبىز جاعالاۋ بويىنان 2,5 شاقىرىمعا جۋىق اۋماقتى تازارتتىق", -دەدى "جاس ۇلان" بىرىڭعاي بالالار مەن جاسوسپىرىمدەر ۇيىمىنىڭ ءتورايىمى دينارا سادۋاقاسوۆا.
ايتا كەتەيىك, تازالاۋدان باسقا, ەرىكتىلەر بارلىق تۇرعىنداردى سانيتارلىق نورمالاردى ساقتاۋعا, قوقىستى جيناپ جۇرۋگە جانە تازالىق ساقتاۋعا شاقىردى. ءىس-شارا "Birgemiz: Taza Alem" جالپىۇلتتىق جوباسى اياسىندا وتكىزىلدى.