سەگىزىنشى تامىز كۇنى ساعات 23:00 شاماسىندا قىزىلوردا وبلىسى پوليتسيا دەپارتامەنتىنىڭ قىزمەتكەرلەرى مەن "وحوتزووپروم" ماماندارىنىڭ بىرلەسكەن جەدەل-ىزدەستىرۋ جۇمىستارى بارىسىندا ەلىمىزدىڭ "قىزىل كىتابىنا" ەنگەن جانۋارعا مىلتىق كەزەگەن قاسكۇنەمدەر ۇستالدى, - دەپ حابارلايدى Egemen.kz
جالاعاش اۋدانى اۋماعىندا ءجۇرىسى كۇدىكتى "نيسسان پاترول" اۆتوكولىگى توقتاتىلىپ, جەدەل-تەرگەۋ توبى كولىكتەن قاراقۇيرىقتىڭ دەنەسىن, ءبىر تەگىس ۇڭعىلى مىلتىق, وق پەن پىشاق تاپتى.
اتالعان دەرەك بويىنشا قازاقستان رەسپۋبليكاسى قىلمىستىق كودەكسىنىڭ 337-بابى 4-بولىگىمەن سوتقا دەيىنگى تەرگەپ-تەكسەرۋ امالدارى جۇرگىزىلۋدە.
قازىر كۇدىكتىنىڭ ءبىرى سىرداريا اۋداندىق پوليتسيا ءبولىمىنىڭ ۋاقىتشا ۇستاۋ يزولياتورىنا قاماۋعا الىندى, ەكىنشىسىنە بۇلتارتپاۋ شاراسى قولدانىلدى.
ءتيىستى ساراپتامالار تاعايىندالىپ, اۆتوكولىك ايىپ الاڭىنا قويىلدى. وقيعانىڭ ءمان-جايى انىقتالۋدا.
"جىل باسىنان تابيعات قورعاۋ زاڭنامالارىن بۇزۋدىڭ 297 دەرەگى تىركەلدى. ونىڭ ىشىندە 22 قىلمىستىق جانە 274 اكىمشىلىك قۇقىق بۇزۋشىلىق انىقتالدى",- دەپ اتاپ ءوتتى وبلىستىق پوليتسيا دەپارتامەنتى باستىعىنىڭ مىندەتىن اتقارۋشى. پوليتسيا پولكوۆنيگى شامشيدين ءاميتوۆ.