اتىراۋدا ۇرى ءۇش جىلدان كەيىن ۇستالدى

"وكرۋگ اۋماعىندا ورنالاسقان ساياجايلارداعى باسپانادان  "Samsung" پلانشەتى, قۇلاققاپ,  3000 تەڭگە ۇرلاعان ۇرى ءۇي يەسىنە جالپى قۇنى  37 مىڭ تەڭگە  كولەمىندە زالال كەلتىرگەن. الايدا سول كەزدە تۇرعىن ءۇيدى توناعان ۇرى قولعا تۇسپەگەن ەدى. جاقىندا ماحامبەت اۋداندىق پوليتسيا ءبولىمىنىڭ قىزمەتكەرلەرى ۇرىنى انىقتاپ, قولعا ءتۇسىردى. قازىر كۇدىكتىنىڭ وزگە دە  قىلمىستارعا قاتىسى تەكسەرىلىپ,  تەرگەۋ  امالدارى جۇرگىزىلۋدە", دەدى وبلىستىق پوليتسيا دەپارتامەنتىنىڭ باستىعى, پوليتسيا پولكوۆنيگى قامزا ۇمبەتقاليەۆ.

ونىڭ ايتۋىنشا, ماحامبەت اۋدانىندا جاسالعان ۇرلىق قىلمىسىنا تالداۋ جۇرگىزىلىپتى. تالداۋ قورىتىندىسىندا بىلتىرعى جىلمەن سالىستىرعاندا,  ۇرلىق  62,5 پروتسەنتكە  ازايعانى بايقالىپتى. ونىڭ ىشىندە پاتەر ۇرلىعى 90 پايىزعا تومەندەدى. سونداي-اق, جىل باسىنان بەرى وبلىس پوليتسەيلەرى وتكەن جىلدارى جاسالعان 92 ۇرلىق قىلمىسىن اشىپ وتىر.