جۇرگىزۋشىلەر مارشرۋتىن الدىن-الا جوسپارلاۋى كەرەك, دەپ حابارلايدى نۇر-سۇلتان اكىمدىگىنىڭ رەسمي سايتى.
كوشە-جول جەلىسىن ورتاشا جوندەۋ اياسىندا ەرمەكوۆ كوشەسىندە قاراساقال ەرىمبەت كوشەسىنەن سارايشىق كوشەسىنە دەيىنگى ۋچاسكەدە جول سالۋ جۇمىستارى جوسپارلانعان, دەپ حابارلادى قالالىق كولىك جانە جول ينفراقۇرىلىمىن دامىتۋ باسقارماسى. وسىعان وراي, 5-20 تامىز ارالىعىندا وسى ۋچاسكەدەگى كولىك قوزعالىسىن جارتىلاي جابۋ جوسپارلانعان. ەلوردا تۇرعىندارى مەن قوناقتارى قالا جولدارىندا كەپتەلىس تۋدىرماۋ ءۇشىن مارشرۋتتارىن الدىن-الا جوسپارلاۋى كەرەك.
"كەلتىرىلگەن قولايسىزدىق ءۇشىن كەشىرىم وتىنەمىز جانە جوندەۋ جۇمىستارىنا تۇسىنىستىكپەن قاراۋدى سۇرايمىز", - دەلىنگەن حابارلامادا.