ويىن مەكەمەسىن الماتى قالاسى اۋەزوۆ اۋدانىنىڭ پوليتسياسى بىرقاتار نىسان اكىمشىلىگىنىڭ كارانتين نورمالارىن ساقتاۋىن باقىلاۋعا باعىتتالعان رەيدتەر كەزىندە "اقساي-1" ىقشام اۋدانىندا انىقتاعان. بۇل تۋرالى Polisia.kz-كە سىلتەمە جاساي وتىرىپ Egemen.kz حابارلايدى.
– كوزگە ءبىرىنشى تۇسكەن نارسە تەرەزەسى جوق بولمە, ول جەلدەتىلمەيدى دەگەندى بىلدىرەدى. ال وسى ۋاقىتتى كومپيۋتەرلىك ويىندار ويناۋمەن وتكىزەتىن ادامدار ءۇشىن ۆيرۋستى جۇقتىرىپ الۋ قاۋىپتىلىگى جوعارى. مەكەمە يەسىنە قاتىستى قر اقبك-ءنىڭ 425-بابى بويىنشا اكىمشىلىك ماتەريال جينالدى, ول ءوز قۇزىرەتىنە سايكەس كەيىننەن دكبتۋ-دىڭ اۋداندىق بولىمىنە بەرىلدى. بۇل دەگەنىمىز, 230 اەك كولەمىندە ايىپپۇل, قازىرگى ۋاقىتتا 638 مىڭ تەڭگەدەن اسادى, – دەدى اۋەزوۆ اۋداندىق پوليتسيا باسقارماسىنىڭ باسشىسى الىشەر تۇرسىنبەتوۆ.
ەستەرىڭىزگە سالا كەتەيىك, قالا جاعدايىندا اكىمدىك, سەس جانە پوليتسيا قىزمەتكەرلەرى اراسىندا شەكتەۋلى شارالاردىڭ ساقتالۋىن قاداعالايتىن جانە باقىلايتىن, سونداي-اق حالىقتىڭ سانيتارلىق-ەپيدەميولوگيالىق سالاۋاتتىلىعى سالاسىنداعى زاڭناما تالاپتارىنىڭ بۇزۋشىلىقتارىن انىقتايتىن ارنايى ءموبيلدى توپتار بار.