پوليتسيا قىزمەتكەرلەرى قۇرباندىققا شالىناتىن مالدىڭ اتىراۋ قالاسىنا كىرگىزىلمەۋىن قاداعالاپ تۇر, دەپ حابارلايدى Egemen.kz
بۇل ءۇشىن "اتىراۋ-استراحان", "اتىراۋ-ورال", "اتىراۋ-دوسسور", "اتىراۋ-يندەر" باعىتىنا قاتىنايتىن جولداردىڭ قاراوزەك, بەرەكە, اقجار اۋىلدارى مەن تەلەمۇنارا تۇسىنا ءموبيلدى بەكەتتەر قويىلدى. سونداي-اق مۇنداي ءموبيلدى بەكەت ءبىرى باتىس قازاقستان وبلىسىمەن شەكاراداعى اققالا ەلدى مەكەنىنىڭ ماڭىندا دا تۇر.
ازاماتتاردى وبلىس اۋماعىندا كوروناۆيرۋستىق ينفەكتسيانىڭ تارالۋىن, جۇقتىرۋ فاكتىلەرىن ازايتۋعا باعىتتالعان شەكتەۋلەردى, قۇربان ايت مەرەكەسى كۇندەرى ءىس-شارالاردى وتكىزۋگە تيىم سالۋ تۋرالى قاۋلى تالاپتارىن ورىنداۋعا شاقىرامىز. بۇعان دەيىن جاريالانعان پاندەميا جاعدايىندا قۇرباندىق شالۋ الگوريتمىن ساقتاۋ كەرەك", دەدى وبلىستىق پوليتسيا دەپارتامەنتىنىڭ باسشىسى قامزا ۇمبەتقاليەۆ.