الماتى وبلىسىنىڭ قاراساي اۋدانىنا قاراستى ىلە الاتاۋى مەملەكەتتىك ۇلتتىق تابيعي ساياباعىنداعى شابىندىق ءشوپ پەن ورمان القابى ورتەندى. بۇل تۋرالى «حابار» تەلەارناسى حابارلادى.
ءورت ءسوندىرۋ كەزىندە مەملەكەتتىك ۇلتتىق ساياباقتىڭ 41 جاستاعى ينسپەكتورىنىڭ باسىنا تاس قۇلاپ, اۋرۋحانادا كوز جۇمدى. جالىن 1 گەكتار ورمان القابىن شارپىپ ءوتتى.
ءتىلسىز جاۋدى سوندىرۋگە الماتى وبلىسى جانە الماتى قالالىق توتەنشە جاعداي دەپارتامەنتى ءورت ءسوندىرۋ قىزمەتىنىڭ 2 تەحنيكاسى مەن جەكە قۇرامىنىڭ 25 ادامى, ىلە الاتاۋى مەملەكەتتىك ۇلتتىق تابيعي ساياباعىنىڭ 65 ادامى, «اۆياورمانقورعاۋ» رمك 1 تىكۇشاعى مەن 15 ادامى, الماتى قالاسى قۇتقارۋ قىزمەتىنىڭ 1 تىكۇشاعى جۇمىلدىرىلدى.
باقىتبەك كەنەش ۇلى.