تاتارستانعا ساپار اياسىندا قازاقستان پرەمەر-ءمينيسترىنىڭ ورىنباسارى رومان سكليار نيجنەكامسك جانە نابەرەجنىە چەلنى قالالارىندا بولدى. وندا قازاقستان مەن تاتارستان اراسىنداعى ونەركاسىپتىك كووپەراتسيا جانە ينۆەستيتسيالىق ىنتىماقتاستىق ماسەلەلەرى قارالدى, دەپ حابارلادى ۇكىمەت باسشىسىنىڭ ءباسپاسوز قىزمەتى.
ساپار بارىسىندا رومان سكليار تاتارستان پرەمەر-ءمينيسترى الەكسەي پەسوشينمەن جانە «كاماز» واق, «تاتنەفت» واق, «نيجنەكامسكشينا» واق ءىرى ونەركاسىپتىك جانە قالا قۇراۋشى كاسىپورىندارىنىڭ باسشىلارىمەن ەكىجاقتى كەزدەسۋلەر وتكىزدى. قازاقستان ۇكىمەتى باسشىسىنىڭ ورىنباسارى وندىرىستىك قۋات كوزدەرىمەن تانىسىپ, اۆتوموبيل جاساۋ, مۇناي-حيميا ونەركاسىبى, سونداي-اق اۆتوموبيل جانە ونەركاسىپتىك شينالار ءوندىرىسى سالاسىندا بىرلەسكەن وندىرىستەر قۇرۋ جانە ينۆەستيتسيالىق جوبالاردى ىسكە اسىرۋ ماسەلەلەرىن تالقىلادى.
اتاپ ايتقاندا, «تاتنەفت» واق مەن «الليۋر» كومپانيالار توبى» اق اراسىندا قازاقستان رەسپۋبليكاسىندا شينا ءوندىرىسىن ۇيىمداستىرۋ بويىنشا جول كارتاسىنا قول قويىلدى. جوبانى ىسكە اسىرۋ 800-گە جۋىق جۇمىس ورنىن قۇرۋعا جانە شينالارعا دەگەن ءوسىپ كەلە جاتقان سۇرانىستى قاناعاتتاندىرۋعا, ءوندىرىستى وقشاۋلاۋعا, كورشى ەلدەرگە ەكسپورتتىق الەۋەتتى دامىتۋعا مۇمكىندىك بەرەدى. بۇل رەتتە وندىرىستىك قۋاتى جەڭىل تەحنيكا ءۇشىن 3 ملن شينانى قۇرايتىندىقتان, ۇلعايتۋ مۇمكىندىگىن 3,5 ملن شيناعا دەيىن ارتتىرۋعا بولادى.
قازاقستاندىق تاراپ تىكەلەي شەتەلدىك ينۆەستيتسيالاردى تارتۋ, وتاندىق ونەركاسىپتى دامىتۋ جانە يمپورتتى الماستىرۋ ماسەلەلەرى ۇكىمەت قىزمەتىنىڭ باسىم باعىتتارى ەكەنىن اتاپ ءوتتى.
ساپار قورىتىندىسى بويىنشا تاراپتار ەكىجاقتى ساۋدا-ەكونوميكالىق جانە ينۆەستيتسيالىق ىنتىماقتاستىق جوبالارىن ىسكە اسىرۋ جونىندەگى جۇمىستى جانداندىرۋعا كەلىستى.