الەۋمەتتىك مەدساقتاندىرۋ ەسەبىمەن – 14,1 ملرد

ماسەلەن, ءبىرىنشى جارتىجىلدىقتا بوساندىرۋ اقىسىنا 19 ملرد 244 ملن تەڭگە تولەندى. بۇل سومانىڭ 70%-دان استامى ءمامس پاكەتىنىڭ قاراجاتى, ال 26%-ى تەگىن مەديتسينالىق كومەكتىڭ كەپىلدىك بەرىلگەن كولەمى ەسەبىنەن تولەندى. ءبىرىنشى جارتىجىلدىقتا ەلىمىزدەگى مەديتسينالىق ۇيىمداردا تمككك پەن ءمامس اياسىندا 185 مىڭ ايەل بوساندى, ونىڭ 34 مىڭى اۋىر جاعدايدا بوساندى.

مەديتسينالىق ۇيىمدارداعى بوسانۋ قۇنى بوسانۋدىڭ اۋىرلىعىنا جانە قوسىمشا اۋرۋلارعا بايلانىستى 85-100 مىڭ تەڭگەگە دەيىن باعالانادى. جەدەل كومەك كورسەتىلسە تاريف قوسىمشا اۋرۋلاردىڭ اۋىرلىعىنا بايلانىس­تى 153-تەن 230 مىڭ تەڭگەگە دەيىن جە­تەدى. سونداي-اق بوسانۋى قيىن بولعان انالارعا جاسالعان وپەراتسيانىڭ اقىسىن دا قور تولەيدى, مۇنداي جاعدايدا ءبىر ناۋقاستىڭ ەمىنىڭ قۇنى 579 مىڭ تەڭگە بولادى. دەنى ساۋ تۋعان نارەستەگە ارنال­عان مەديتسينالىق كومەك بوساندىرۋ شى­عىستارىنا كىرەدى.

ەگەر بالاعا قوسىمشا مەديتسينالىق كومەك قاجەت بولسا, ول دا تەگىن كورسەتىلەدى, ويتكەنى 18 جاسقا دەيىنگى بالالار مەملەكەت تاراپىنان قورعالادى جانە مەملەكەت جارناسىن تولەيتىن 15 جەڭىلدىك ساناتىنا كىرەدى. جەڭىلدىك جاسالعان ساناتتارعا جۇكتى ايەلدەر, 3 جاسقا تولماعان بالالاردى كۇتەتىن دەكرەتتىك دەمالىستاعى ايەلدەر كىرەدى.

1 تامىزدان باستاپ قازاقستاندا جوس­پارلى مەديتسينالىق كومەك كورسەتۋ قايتا باستالادى. ءبىرىنشى كەزەكتە كۆي-مەن كۇرەس جونىندەگى ءىس-شارالارعا تار­تىل­ماعان ستاتسيونارلاردى كەزەڭ-كەزەڭى­مەن قوسا وتىرىپ, رەسپۋبليكالىق دەڭگەي­دەگى مامانداندىرىلعان كلينيكا­لارعا جوسپارلى ەمدەۋگە جاتقىزۋ قالپىنا كەلتىرىلەدى. سونىمەن قاتار كارانتين كەزىندە مەديتسينالىق ۇيىمداردىڭ ءبىر بولىگى ونكولوگيالىق اۋرۋلارمەن اۋى­راتىن ناۋقاستارعا, گەمودياليزدەگى پاتسيەنت­تەرگە, سونداي-اق بوسانعان ايەل­دەرگە شۇعىل جانە جەدەل كومەك كورسەتە وتىرىپ, شتاتتىق رەجىمدە جۇمىسىن جال­عاستىردى.

مەديتسينالىق ساقتاندىرۋ قورى ساق­تاندىرىلۋ مارتەبەسىن انىقتاۋ, مە­دي­تسينالىق ۇيىمدارداعى كومەك كورسەتۋدەن باس تارتقاندارعا قاتىستى  سۇراقتار تۋعان جاعدايدا, پاتسيەنتتەر 1406 بايلانىس ورتالىعىنا شاعىمدانىپ, سونداي-اق Qoldau24\7 ءموبيلدى قوسىمشاسىندا ءوتىنىش, ۇسىنىس قالدىرا الادى.