وكق ونلاين-بريفينگىندە دەنساۋلىق ساقتاۋ ءمينيسترى الەكسەي تسوي كوشەدە قورعانىستىق بەتپەردەلەردى تاعىپ ءجۇرۋ مىندەتتەلگەنىن جانە بۇيرىقتاعى ەرەكشەلىكتەر تۋرالى جاۋاپ بەردى, دەپ حابارلايدى Egemen.kz
دەنساۋلىق ءمينيسترىنىڭ ايتۋىنشا, جازعى دامحاناعا كەلۋشىلەر قوعامدىق ورىنداردا بەتپەردە تاعىپ ءجۇرۋى مىندەتتى. ال قورعانىستىق بەتپەردەلەردى تاعىپ ءجۇرۋ بارلىق جاستاعى تۇرعىندارعا قاتىستى ەكەنىن اتاپ ءوتتى.
"جازعى كافەلەرگە كەلەتىن بولساق, قاشىقتىق تۋرالى ناقتى ەرەجەلەر بار. ۇستەلدەر اراسىنداعى قاشىقتىق 1,5 – 2 مەتر بولۋى كەرەك. بۇل ءبىزدىڭ ازاماتتارىمىزدى قورعاۋعا مۇمكىندىك بەرەدى. سوندىقتان قاشىقتىقتى ساقتاۋ وتە ماڭىزدى", دەپ ءتۇسىندىردى مينيستر.