الەۋمەتتىك قىزمەتكەرلەر ءمام جۇمىسىن جەتىلدىرۋ جايىن تالقىلادى

مەديتسينالىق-الەۋمەتتىك مەكەمەلەردە (بۇدان ءارى – ءمام) كورسەتىلەتىن قىزمەتتەردىڭ ساپاسىن ارتتىرۋ ماقساتىندا قوعامدىق كەڭەستەر قۇرىلۋدا, بيۋدجەت تۋرالى اقپارات اشىق تۇردە جاريالانۋدا, قىزمەت الۋشىلارعا عالامتور ەركىن قولجەتىمدى جانە دە قوعامعا دا اشىقتىق ماسەلەسى قامتاماسىز ەتىلۋدە. سونىمەن قاتار, ستاتسيونارلىق سيپاتتاعى ءمام-دەردە تۇراتىن 18 مىڭنان استام قىزمەت الۋشى سوVID-19-كە تەست تاپسىردى. ستاتسيونارلىق سيپاتتاعى ءمام جۇمىسىن جاقسارتۋ جانە ولاردىڭ قىزمەت ساپاسىن كوتەرۋ ماسەلەلەرى العاش رەت ونلاين تۇردە وتكەن قازاقستاننىڭ الەۋمەتتىك قىزمەتكەرلەرىنىڭ II فورۋمىندا تالقىلاندى.

ەڭبەك جانە حالىقتى الەۋمەتتىك قورعاۋ ۆيتسە-ءمينيسترى ەرلان اۋكەنوۆتىڭ توراعالىعىمەن وتكەن شاراعا ادام قۇقىقتارى جونىندەگى ۋاكىلى ەلۆيرا ءازىموۆا, ءمام ديرەكتورلارى مەن الەۋمەتتىك سالا قىزمەتكەرلەرى قاتىستى.

ەرلان اۋكەنوۆ ءوز سوزىندە ەڭبەك جانە حالىقتى الەۋمەتتىك قورعاۋ مينيسترلىگى (بۇدان ءارى – ەڭبەكمينى) ارنايى الەۋمەتتىك قىزمەتتەردىڭ ساپاسىن ارتتىرۋ بويىنشا جۇيەلى جۇمىستار جۇرگىزىپ جاتقاندىعىن اتاپ ءوتتى. ءمام قىزمەتىن جەتىلدىرۋ ماقساتىندا مينيسترلىك جەرگىلىكتى اتقارۋشى ورگاندار مەن قوعامدىق بىرلەستىكتەردىڭ ۇسىنىستارىن جينادى.

بارلىعى 174 ۇسىنىس كەلىپ ءتۇستى, ولاردىڭ بارلىعى فورۋمدا مالىمدەلدى. ولاردىڭ 150-دەن استامى ەڭبەكمينى 7 بۇيرىعىنا وزگەرىس ەنگىزۋگە, قالعانى – قر ۇكىمەتى قاۋلىلارىنا, 2 كودەكسكە جانە قولدانىستاعى 5 زاڭعا قاتىستى.

ۇسىنىستاردىڭ ەڭ كوپ سانى ارنايى الەۋمەتتىك قىزمەتتەر كورسەتۋ ستاندارتتارىنىڭ وزگەرۋىنە بايلانىستى. ولاردىڭ ىشىندە, مىسالى, ءمام قىزمەتتەرىن الۋشىلار ءۇشىن كيىم, اياقكيىم, توسەك-ورىن جانە جەكە گيگيەنا زاتتارىنىڭ ەڭ تومەنگى نورماسىن ارتتىرۋعا جانە ولاردى قولدانۋ مەرزىمىن قىسقارتۋعا قاتىستى ۇسىنىستار بار. ارنايى الەۋمەتتىك قىزمەتكە جۇگىنگەن كەزدە ۇسىنىلاتىن قۇجاتتار ءتىزىمىن وڭتايلاندىرۋ, مەكەمەدەن شىعارۋ ەرەجەسىن قايتا قاراۋ, ءمام قىزمەتكەرلەرىنىڭ مىندەتتەرىن ناقتىلاۋ جونىندە جانە تاعى باسقا ۇسىنىستار ءتۇستى. جينالعان ۇسىنىستار مۇقيات قارالاتىن بولادى.

بۇگىنگى تاڭدا قازاقستاندا 12 مىڭعا جۋىق الەۋمەتتىك قىزمەتكەر جۇمىس ىستەيدى, ولاردىڭ 10 مىڭى ءمام اياسىندا قىزمەت كورسەتەدى. فورۋم بارىسىندا الەۋمەتتىك قىزمەتكەرلەردىڭ كاسىبي ادەبى جونىندەگى ادىستەمەلىك ۇسىنىستار تانىستىرىلدى. قۇجات قىزمەت الۋشىلارعا, ارىپتەستەرگە جانە قوعامعا قاتىستى الەۋمەتتىك قىزمەتكەرلەردىڭ مىنەز-قۇلقىنا قاتىستى 5 تاراۋدان تۇرادى. ۇسىنىستاردا الەۋمەتتىك قىزمەتكەرلەردىڭ ادەپ قاعيدالارى مەن نەگىزگى مىنەز-ق ۇلىق ستاندارتتارى كورسەتىلگەن. جاقىن ارادا ولار ءىس جۇزىندە ەنگىزىلەتىن بولادى.

فورۋم بارىسىندا الەۋمەتتىك قىزمەتكەر مارتەبەسىن كوتەرۋ ماسەلەسى دە ايتىلدى.

"مەملەكەتتىك دەڭگەيدە ولاردىڭ قۇزىرەتى مەن ماڭىزىن ارتتىرۋ قاجەت. مىسالى, ەڭبەك كودەكسىنە جۇمىسكەرلەردىڭ جەكەلەگەن ساناتتارىنىڭ ەڭبەگىن رەتتەۋ تۋرالى ءبولىم ەنگىزۋگە بولادى. الەۋمەتتىك قىزمەتكەرگە ەڭبەك نارىعىندا مارتەبە مەن كەپىلدىك بەرىلۋى كەرەك. الەۋمەتتىك قىزمەتكەردى جانە ونىڭ وتباسى مۇشەلەرىن الەۋمەتتىك قامتاماسىز ەتۋ قاجەت. ءبىز ولاردى ءتيىستى الەۋمەتتىك قورعاۋ ارقىلى عانا ادەپ قاعيدالارىنىڭ ساقتالۋىن تالاپ ەتە الامىز", دەدى پرەزيدەنت جانىنداعى ايەلدەر ءىسى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ ءتورايىمى ءلاززات رامازانوۆا.

بۇعان دەيىن ءمام جۇمىسىن جاقسارتۋ ماقساتىندا وبلىستار مەن رەسپۋبليكالىق ماڭىزى بار قالالاردىڭ اكىمدىكتەرىنە 22 تارماقتان تۇراتىن شارالاردى قابىلداۋ ۇسىنىلدى. ولاردىڭ ىشىندە:

- قوعامدىق كەڭەستەر قۇرۋ;

- اشىقتىق قاعيداتىن ەنگىزۋ;

- قىزمەت الۋشىلاردى عالامتورمەن قامتاماسىز ەتۋ;

- بارلىق مەكەمەلەردى بەينەباقىلاۋمەن قامتۋ, كامەرالارداعى جازبالارعا قىزمەت الۋشىلاردىڭ تۋىستارىنا قولجەتىمدىلىكتى قامتاماسىز ەتۋ;

- قاجەت بولعان جاعدايدا كۇردەلى جانە اعىمداعى جوندەۋ جۇمىستارىن جۇرگىزۋ;

- شالعاي اۋىلداردا ورنالاسقان ءمام-دەردى قالالار مەن اۋدان ورتالىقتارىنا كوشىرۋ جانە مەكەمەلەر جۇمىسىن جاقسارتۋ جونىندەگى باسقا دا شارالار.

ەڭبەكمينى الەۋمەتتىك قىزمەتتەر ساياساتىن دامىتۋ دەپارتامەنتىنىڭ ديرەكتورى دامەجان سادۋاقاسوۆانىڭ ايتۋىنشا, ءمام جۇمىسىندا شاعىمداردى تالداۋ مەن كەرى بايلانىس ورتانتۋعا ەرەكشە كوڭىل بولىنەدى.

"شاعىمدار مەن وتىنىشتەر نەگىزىندە, ونىڭ ىشىندە الەۋمەتتىك جەلىلەر بويىنشا تاۋەكەلدەر كارتاسىن جاساۋ كەرەك. سىزدەردىڭ نازارلارىڭىزعا تاۋەكەلدەر كارتاسى تەك ولقىلىقتار انىقتالعان وڭىرلەردە عانا ەمەس, سونداي-اق الدىن الۋ ماقساتىندا باسقا وڭىرلەردە دە جاسالۋى قاجەت ەكەندىگىنە نازار اۋدارعىم كەلەدى", دەپ اتاپ ءوتتى دامەجان سادۋاقاسوۆا.

وتكەن كەزەڭ ىشىندە مەرزىمى اياقتالۋعا جاقىن ۇسىنىستاردى ورىنداۋدىڭ وڭ ءۇردىسىن كورۋگە بولادى. بۇل تۇستا ۇسىنىستاردىڭ ورىندالۋىنىڭ ەڭ جوعارى پايىزى اقمولا, اقتوبە, جامبىل, قوستاناي وبلىستارىندا جانە نۇر-سۇلتان قالاسىندا بايقالادى.

ۇسىنىستاردى ىسكە اسىرۋ ناتيجەلەرى بويىنشا ارنايى الەۋمەتتىك قىزمەتتەر ۇسىناتىن 113 ورتالىقتىڭ 74-ءى wi-fi بار عالامتورمەن قامتاماسىز ەتىلگەن. بۇل مەكەمەلەردىڭ بارلىعىندا قوعامدىق كەڭەستەر قۇرىلدى, الەۋمەتتىك جەلىلەردە اككاۋنتتارى اشىلدى. 95 ءمام بيۋدجەتى اشىق تۇردە جاريالاندى. ءمام باسشىلىعى مەن قىزمەتكەرلەرى قامقورلىقتاعى جانداردىڭ تۋعاندارىمەن جانە جاقىندارىمەن تىعىز بايلانىس ورناتقان.

ء"بىزدىڭ مىندەتىمىز – اشىقتىقتى ارتتىرۋ, قىزمەت الۋشىلارمەن جۇمىس سيپاتىن وزگەرتۋ. ول ءۇشىن بيۋدجەت اشىقتىعىن قامتاماسىز ەتۋ, ءمام جاعدايلارىن ەگجەي-تەگجەيلى قاراۋ جانە ورتالىقتار ۇسىناتىن قىزمەتتەردىڭ ساپاسىن ارتتىرۋ ماسەلەلەرىن كوتەرۋ قاجەت. بارلىق ۇسىنىستاردىڭ ورىندالۋىن باقىلاۋ – قازىرگى كەزدە ەڭبەك, الەۋمەتتىك قورعاۋ جانە كوشى-قون كوميتەتى, سونداي-اق اۋماقتىق دەپارتامەنتتەر الدىندا تۇرعان باستى مىندەت", – دەپ اتاپ ءوتتى ەرلان اۋكەنوۆ.

قىزمەت الۋشىلاردىڭ ءومىر ءسۇرۋ ساپاسىن جاقسارتۋعا باعىتتالعان ۇسىنىستاردى ورىنداۋ بويىنشا جۇمىس جالعاسادى.

ەستەرىڭىزگە سالا كەتەيىك, بۇگىندە ەلىمىزدە ستاتسيونارلىق تيپتەگى 113 مەديتسينالىق-الەۋمەتتىك مەكەمە بار, وندا 21 مىڭنان استام قىزمەت الۋشى تۇرادى.