الەۋمەتتىك جوبانىڭ جاڭا ۇلگىسى: جاتاقحانا سالۋداعى ءتيىمدى ءتاسىل

م.س. نارىكباەۆ اتىنداعى «كازگيۋ ۋنيۆەرسيتەتى» اق جاتاق­حاناسىنىڭ ىشكى كورىنىسى

«بۇل زور ماسەلەنى شەشۋ ءۇشىن ات سالىسامىن», دەپ ىلكىمدى ىسكە بىلەك سىبانا كىرىسكەن ينۆەستور نەمەسە جەكە كاسىپكەر جاتاقحانانى ءوز قاراجاتى ەسەبىنەن سالىپ, نىساندى (جاتاقحانانى) ستۋدەنتتەر يگىلىگىنە پايدالانۋعا بەرگەننەن كەيىن مەملەكەت تاراپىنان 8 جىل بويى ۇزدىك­سىز نەگىزدە اقشا تولەمدەرى جۇرگى­زىلەتىن بولادى.

جىل سايىن ءار ورىنجاي ءۇشىن جاڭادان جاتاقحانا سالىنعان جاع­دايدا – 122 اەك (الماتى قالاسى ءۇشىن بۇل كورسەتكىش 144 اەك), عي­ماراتتى جاتاقحانا رەتىندە رەكونسترۋكتسيالاۋ جاسالعان جاعدايدا 47 اەك كولەمىندە قارجى تولەنەدى.

سونداي-اق جاتاقحانا سالۋ (رەكونس­ترۋكتسيالاۋ) جوبالارىن ىسكە اسى­راتىن كاسىپكەرلەرگە مەم­لەكەت­تىك تاپسىرىستان باسقا قوسىم­شا ۇسىنىستار بار, ولار:

1) «قاراپايىم زاتتار ەكونومي­كاسى» مەملەكەتتىك باعدار­لا­ما­­سى اياسىندا بانكتىك نەسيە­لەر مول­شەر­لەمەسىن سۋبسيديا­لاۋ. قول­داۋدىڭ بۇل شاراسى كاسىپ­كەر­لەرگە قا­رىز­دىق جۇكتەمەنى ازايتۋعا جانە نەسيەنى جىلدىق 6%-بەن تولەۋگە مۇم­كىندىك بەرەدى. سونىمەن قاتار نەسيە تارتۋ ءۇشىن كەپىلدىك بول­ماعان جاع­دايدا «دا­مۋ» قو­رى­نان كەپىلدىكتى قام­تا­ماسىز ەتە­­تىن قوسىمشا تەتىكتەر دە قا­راس­­تىرىلعان. بۇل – وتە وڭتايلى ءتاسىل.

2) ستۋدەنتتەر تولەيتىن اي سا­يىن­عى تۇرۋ اقىسى مەملەكەت تاپ­سىرى­سىنىڭ قۇنىنا كىرمەيدى. ونىڭ مولشەرىن جاتاقحانانىڭ مەن­­شىك يەسى دەربەس رەتتەيدى جانە ول ناقتى وڭىردەگى تۇرعىن ءۇي نارى­عى­نىڭ شىنايى شارتتارىنا سايكەس انىق­تالادى.

3) قۇرىلىستى سالۋشى نەمەسە عيماراتقا رەكونسترۋكتسيا جا­ساۋشى تاراپ (مەنشىك يەسى) تۇر­مىستىق قىزمەتتەر كورسەتۋ ماق­ساتىندا كوممەرتسيالىق الاڭدار جا­ساقتاۋعا قۇقىلى. ولاردىڭ نە­گىزگى تۇتىنۋشىلارى, ارينە, جا­­تاق­حانا تۇرعىندارى بولارى كۇمانسىز.

4) سونىمەن قاتار ەگەر بەلگىلى ءبىر تۇلعا بەلگىلى ءبىر عيماراتتىڭ يەسى بولسا, ونى رەكونسترۋكتسيا ار­­­قىلى جاتاقحانا رەتىندە پايدا­لانۋعا بەرگەننەن كەيىن, ول تۇلعاعا مەملەكەتتىك تاپسىرىستى الۋعا بولادى.

ءىستىڭ ۇتىمدى ءبىر تۇسى – عيما­راتتىڭ ينۆەستوردىڭ مەنشىگىندە قالۋى.

جوباعا قاتىسۋدىڭ ءبىرشاما شارتتارى بار, ونىڭ باستىسى – قولعا العان ءىستى ىلگەرى باس­تى­رۋ ءۇشىن باستاپقى كاپيتال مەن جەر تەلى­مىنىڭ بولۋى. جەر تەلىمى بول­ماعان جاعدايدا ءبىز ونى مەملەكەت-جە­كەمەنشىك ارىپتەستىگى تەتىگى نە­گىزىندە, وڭىرلەردىڭ الەۋمەتتىك-كاسىپ­­كەرلىك كورپوراتسيالارىمەن بىرگە جوبانى باستامالاۋ نەمەسە كون­سورتسيۋم قۇرۋ جولىمەن رە­سۋرس­تاردى بىرىكتىرۋ ارقىلى الۋ­دىڭ بىرقاتار ءتيىمدى جولدارىن ۇسى­نامىز.

كەلەسى شارت – جاتاقحانا عيما­­راتىنىڭ نىساندى ماقساتتا قول­دانىلۋى 20 جىل ىشىندە ساق­تالۋى ءتيىس. وسى تۇرعىدا, بۇل نىساندى 20 جىل ىشىندە بانككە كەپىلگە قويۋ نەمەسە ساتۋ مۇمكىندىگى بار, بىراق ساتىپ الۋشى دا اتالعان مەرزىم ارالىعىندا عيماراتتىڭ نىساندى قولدانۋىن وزگەرتپەۋى شارت.

وسى تۇرعىدا جوباعا قىزىعۋ­شىلىق تانىتقان تۇلعالار ءۇشىن 2 مىسال نەگىزىندە (قۇرىلىس جانە رەكونسترۋكتسيا جولىمەن) ءۇشىنشى الەۋمەتتىك باستاما اياسىندا پاي­دا­لانۋعا بەرىلگەن جاتاقحانالار جو­نىن­دە مالىمەت ۇسىنا كەتكەن ءجون بولار.

1) جاڭا قۇرىلىس جولىمەن: م.س.نارىكباەۆ اتىنداعى «كازگيۋ ۋنيۆەرسيتەتى» اق ستۋ­­دەنتتەرى ءۇشىن – 370 ورىندىق جاتاقحانا پايدالانۋعا بەرىلدى. جاتاق­حانا زاماناۋي ۇلگىدە سالىن­عان. جاتىن ورىنداردان بولەك ستۋدەنتتەر قولايلىلىعى ءۇشىن كوركەم بەزەندىرىلگەن كوۆوركينگ ورتالىعى جانە اسحانا بار. ۋني­ۆەرسيتەت 8 جىل ىشىندە ورنالاستىرىلاتىن مەم­لەكەتتىك تاپسىرىس اياسىندا 1 ملرد تەڭگەدەن استام قاراجات كولەمىندە قارجى الادى جانە جاتاقحانا نىسانى ءوز مەنشىكتەرىندە قالادى. جاتاقحانادا اي سايىنعى تۇرۋ قۇنى – 10 مىڭ تەڭگە.

2) رەكونسترۋكتسيا جولىمەن: «تا­راز يننوۆاتسيالىق-گۋما­ني­تار­لىق ۋنيۆەرسيتەتى» ءوز وقۋ ورنى­نىڭ ستۋدەنتتەرىنە – 500 ورىن­دىق جاتاق­حانانى ورىن تاپشى­لىعىن سەزىنگەن جاس­تار يگىلىگىنە تاپسىردى. رەكون­سترۋك­تسيادان وتكىزىلگەن عيمارات – بۇرىنعى «تا­راز» قو­ناقۇيى. اشىق كوزدەردەن الىن­عان مالىمەتتەرگە سايكەس, ەلىمىز­دەگى قوناقۇيلەردىڭ ورتاشا تولىمدىلىعى 26,4%-دان كەم. ۋنيۆەر­سيتەت 8 جىل ىشىندە ورنالاستىرىلاتىن مەملەكەتتىك تاپسىرىس اياسىندا 550 ملن تەڭگەدەن استام قاراجات كولەمىندە قارجى الادى جانە جاتاقحانا نىسانى ءوز مەنشىكتەرىندە قالادى. جاتاق­حانادا اي سايىنعى تۇرۋ قۇنى – 10 مىڭ تەڭگە. دەمەك, ادام تولمايتىن قوناقۇيگە يەلىك ەتكەنشە, جاتاقحاناعا قايتا بەيىمدەۋ قارجىلىق تۇرعىدان دا ينۆەستور ءۇشىن الدەقايدا ءتيىمدى.

جوباعا قىزىعۋشىلىق تانىت­قان مۇددەلى تاراپتارعا قاتىسۋ شارتتارىمەن تولىق تانىسۋ ءۇشىن studdom.fincenter.kz سايتىنا كىرۋ جانە 8 (7172) 695-127, 8 (705) 198-01-01 تەلەفون نومىرلەرىنە حابارلاسۋ قاجەت. ال ودان كەيىنگى قادام – شارت جاساسۋ ءۇشىن قارجى ورتالىعىنا ءوتىنىش بەرۋ كەرەك. (شارت­تىڭ ۇلگىلىك نىسانى جانە ونى جاساسۋ ءۇشىن قاجەتتى قۇجاتتار تىزبەسى invest.fincenter.kz telegram-ارناسىندا ورنالاستىرىلعان).

ءبىز, ارينە, ماۋەلى جەمىسىن بەرەر ەكىجاقتى ءتيىمدى ارىپتەستىككە قاشاندا مۇددەلىمىز.

تاراز يننوۆاتسيالىق-گۋما­نيتارلىق ۋنيۆەرسيتەتى جاتاق­حاناسىنىڭ كورىنىسى

«قارجى ورتالىعى» اكتسيونەرلىك قوعامى