قازاقستان ەكولوگيا, گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ بيلىكتى نۇر-سۇلتان قالاسىنىڭ ورتالىق پاركىندەگى كونە تەرەككە ايرىقشا مارتەبە بەرۋگە جانە ونى ساقتاۋعا شاقىرعان استانا تۇرعىندارىن قولداپ وتىر, - دەپ حابارلايدى Egemen.kz
"قازاقستاندىقتاردىڭ استانا تۇرعىندارىنا بەلگىلى 120 جىلدىق ەرەكشە تەرەك اعاشىن ساقتاۋ قاجەتتىگى تۋرالى باستاماسىن قولدايمىن. ول ءۇشىن بارلىق كۇشىمىزدى سالعان ءجون", - دەپ جازدى م.مىرزاعاليەۆ Twitter-دەگى ءوز پاراقشاسىندا.
"مينيسترلىك ءوز تاراپىنان اعاشتى ساقتاۋ جونىندەگى جاۋاپكەرشىلىكتى الادى. اقپارات جازىلعان تاقتايشا ورناتىلادى", - دەپ حابارلادى ول.
مينيستر, سونىمەن قاتار, نۇر-سۇلتان قالاسىنىڭ بەلسەندىلەرىنە قورشاعان ورتاعا قامقورلىق بىلدىرگەنى ءۇشىن العىس ايتىپ, قالالىقتاردى تابيعي بىرەگەي بايلىقتى ايالاۋعا شاقىردى.