وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنە قاراعاندا, اتىراۋلىقتار 1 شىلدەدەن بەرى پوليتسيا بولىمدەرىنە 40-قا جۋىق اتىس قارۋى مەن 100-دەن استام وق-ءدارى تاپسىرىپتى. ەرىكتى تۇردە قارۋ مەن وق-ءدارى تاپسىرعان تۇرعىندارعا سىياقى رەتىندە رەسپۋبليكالىق قازىنادان 1 ملن 700 مىڭ تەڭگە تولەنبەك, - دەپ حابارلايدى Egemen.kz
"اكتسيانىڭ ماقساتى – قوعامدىق قاۋىپسىزدىكتى قامتاماسىز ەتۋ, اتىس قارۋلارىمەن جاسالاتىن قىلمىستار مەن قۇقىقبۇزۋشىلىقتاردىڭ الدىن الۋ. اكتسيا كەزىندە ەرىكتى تۇردە زاڭسىز ساقتالعان قارۋ-جاراق پەن وق-دارىلەردى تاپسىرعاندار قىلمىستىق, اكىمشىلىك جاۋاپكەرشىلىكتەن بوساتىلادى. ازاماتتارعا سىياقى ىشكى ىستەر ءمينيسترىنىڭ «زاڭسىز ساقتالعان اتىس قارۋىن, وق-ءدارىنى جانە جارىلعىش زاتتاردى ازاماتتاردىڭ ەرىكتى تۇردە وتەمدى تاپسىرۋ قاعيدالارىنا بەكىتۋ تۋرالى» بۇيرىعىنىڭ تالاپتارىنا سايكەس تولەنەدى", - دەپ حابارلادى دەپارتامەنتتىڭ ءباسپاسوز قىزمەتى.