ساۋدا جانە ينتەگراتسيا مينيسترلىگىنىڭ تۇتىنۋشىلاردىڭ قۇقىقتارىن قورعاۋ كوميتەتى ازاماتتىق اۆياتسيا سالاسىندا ازاماتتاردىڭ تۇتىنۋشىلىق قۇقىقتارىنىڭ بۇزىلۋىنا جول بەرمەۋ بويىنشا جۇمىستى جالعاستىرۋدا. بۇل تۋرالى مينيسترلىكتىڭ ءباسپاسوز قىزمەتىنە سىلتەمە جاساي وتىرىپ Egemen.kz حابارلايدى.
بەك ەير-دان باسقا, كوميتەت قازاقستاندىقتاردىڭ تۇتىنۋشىلىق قۇقىقتارىن قورعاۋ ماقساتىندا توتەنشە جاعداي كەزىندە جويىلعان رەيستەرگە بيلەتتەردىڭ قۇنىن قايتارۋ بويىنشا Scat, Air Astana, Fly Arystan اۆياكومپانيالارىمەن ءوزارا ءىس-قيمىل جاسايدى. بۇگىنگى تاڭدا كوميتەتپەن وسى ۋاقىتقا دەيىن اقشالاي قاراجاتى وتەلمەگەن ازاماتتاردىڭ ءتىزىمى جاسالۋدا.
وسىعان بايلانىستى, وتاندىق اۆياكومپانيالاردىڭ توقتاتىلعان رەيستەرى ءۇشىن قاراجات الماعان ازاماتتار (توتەنشە جاعدايدىڭ ەنگىزىلۋىنە بايلانىستى) بيلەتتى ساتىپ العانىن راستايتىن بارلىق قۇجاتتاردى (جەكە باسىن كۋالاندىراتىن قۇجاتتىڭ كوشىرمەسى, اۆيابيلەت, تولەمدى راستاۋ) قوسا بەرە وتىرىپ, تققك-نە جۇگىنۋى قاجەت.
تققك-ءنىڭ اتىنا ءوتىنىش ەلەكتروندىق ۇكىمەت پورتالى ارقىلى مىنا سىلتەمە بويىنشا قابىلدانادى: https://egov.kz/cms/ru/services/citizen_and_the_government/e_app. پوشتامەن مىنا مەكەن-جاي بويىنشا: نۇر-سۇلتان قالاسى, ماڭگىلىك ەل داڭعىلى, 8, مينيسترلىكتەر ءۇيى, 2-كىرەبەرىس. سونداي-اق تەلەگرامم-بوت ارقىلى: kzpp_bot.
ەستەرىڭىزگە سالا كەتەيىك, "بەك ەير" اق اۋەكومپانياسىنا تققك-ءنىڭ 2 تالاپ ارىزىن الماتى قالاسىنىڭ تۇركسىب سوتى تولىق كولەمدە قاناعاتتاندىردى. 990 تۇتىنۋشىنىڭ مۇددەلەرى قورعالدى. سوت "بەك ەير" اق-نا توقتاتىلعان رەيستەرگە بيلەتتەر ءۇشىن ازاماتتارعا جالپى 60,1 ملن تەڭگە قايتارۋدى مىندەتتەدى.