ازاماتتاردىڭ سانيتارلىق-ەپيدەميولوگيالىق سالاۋاتتىلىعى سالاسىنداعى زاڭنامانىڭ, سونداي-اق گيگيەنا ستاندارتتارىنىڭ ساقتالۋىن باقىلاۋ ماقساتىندا الماتى قالاسىندا اكىمدىك, سەس جانە پوليتسيا قىزمەتكەرلەرىنىڭ اراسىنان ارنايى مونيتورينگتىك توپتار قۇرىلعانى بەلگىلى
"5 شىلدەدەن باستاپ قر اقبك-ءنىڭ 425-بابىنا سايكەس اكىمشىلىك جاۋاپكەرشىلىككە 1 مىڭ 022 ادام تارتىلدى, ولاردىڭ 90-ى وتكەن كۇنى انىقتالدى. ازاماتتاردىڭ كوپ كەلەتىن ورىندارى, قىزمەت كورسەتۋ, تاماقتانۋ ورىندارى جانە ت.ب. ۇنەمى تەكسەرىلىپ وتىرادى. سونىمەن قاتار, سانيتارلىق دارىگەردىڭ تالاپتارىنا سايكەس كەلمەيتىن ماسساج, سۇلۋلىق سالوندارى, بارلار, مەيرامحانالاردى انىقتاۋ بويىنشا جەدەل بولىمشەلەر جۇمىس ىستەيدى. ارنايى رەيدتەر بارلىق جەردە جانە تۇراقتى نەگىزدە جۇرگىزىلىپ وتىرادى", - دەيدى الماتى قالالىق پد جەرگىلىكتى پوليتسيا قىزمەتى باسقارماسىنىڭ باستىعى, پوليتسيا پولكوۆنيگى ماناپ ساتتاروۆ.