جىلدار بويى 5 بالاسىمەن پاتەر جالداپ كەلگەن بايدىبەك اۋدانى, شاقپاق ەلدى مەكەنىنىڭ تۇرعىنى گۇلميرا سەيىلبەكوۆا باسپانالى بولدى. كوپبالالى وتباسىعا 4 بولمەلى ءۇي سىيلاعان, ياعني دەمەۋشىلىك جاساعان – "اسقار-تاۋ" شارۋا قوجالىعىنىڭ توراعاسى, جەكە كاسىپكەر اسقار ورازحان ۇلى, - دەپ حابارلايدى Egemen.kz.
يگى ىسكە قازاقستان مۇسىلماندارى ءدىني باسقارماسى باستاماشىل بولىپ وتىر. تۇرعىن ءۇي "زەكەت" كورپوراتيۆتىك قورى ارقىلى "ەل ۇلەسى – پاتەرگە" جوباسى بويىنشا بەرىلگەن.
ەل كولەمىندە بۇل 244-ءى باسپانا سەرتيفيكاتى. سەيىلبەكوۆا گۇلميرا قايىرىمدى جاندارعا العىسىن ايتىپ, تۇرعىن ءۇيدىڭ مەكتەپ پەن بالاباقشاعا جانە سپورتتىق الاڭشاعا جاقىن ورنالاسقانىنا ەرەكشە قۋانىشىن جەتكىزدى.
كوپبالالى انا وتباسى قۋانىشىنا وبلىستىڭ باس يمامى مۇسابەك اقتامبەردى مەن اۋىل وكرۋگىنىڭ ارداگەرلەر كەڭەسىنىڭ توراعاسى, توبە ءبيى جانە بىرقاتار اۋىل قاريالارى ورتاقتاستى.
ايتا كەتەلىك, بايدىبەك اۋدانىندا بيىل وسىمەن ءۇشىنشى وتباسىعا دەمەۋشىلەر ەسەبىنەن ءۇي بەرىلىپ وتىر.