دەنساۋلىق ساقتاۋ ءمينيسترى الەكسەي تسوي قازاقستاندا 3 تامىزدان باستاپ قانداي نىسانداردىڭ جۇمىس باستاۋىنا رۇقسات بەرىلەتىنىن ايتتى, - دەپ حابارلايدى Egemen.kz
"جالپى COVID-19 اۋرۋىن جۇقتىرۋ مەن ودان كەلەتىن ءولىم-ءجىتىم جاعدايىنىڭ ارى قاراي تۇراقتالۋى ەكونوميكانىڭ بارلىق سەكتورىن تارتىپ, ۇيلەسە جۇمىس جۇرگىزۋگە بايلانىستى بولماق. اتاپ ايتقاندا تۇراقتاندىرۋ باعىتىنداعى قابىلدانعان شارالاردىڭ ناتيجەسىنىڭ 30% عانا مەديتسينالىق كومەك پەن ەپيدەميولوگيالىق شارالارعا بايلانىستى. ال قالعان 70% جاپپاي ماسكا كيۋ رەجيمى مەن گيگيەناعا (30%), سونىمەن قاتار الەۋمەتتىك قاشىقتىقتى ساقتاۋعا (40%) بايلانىستى", دەدى الەكسەي تسوي.
مينيستر كارانتين اياقتالعاننان كەيىن, ياعني 3 تامىزدان باستاپ قانداي نىسانداردىڭ جۇمىس باستاۋىنا رۇقسات بەرىلەتىنىن ايتىپ ءوتتى.
"وسىنداي شارتتار ورىندالعان جاعدايدا ويىن-ساۋىق ورتالىقتارى, ساۋدا ۇيلەرى, ۋاقىتى مەن كۇنى شەكتەۋلى تارتىپتە ساۋدا جەلىلەرى, جابىق ازىق-ت ۇلىك نىساندارى مەن ازىق-ت ۇلىك ساتپايتىن بازارلار اشىلادى. سونداي-اق بالالاردىڭ كوررەكتسيا كابينەتى, ءبىلىم بەرۋ ورتالىقتارى, بالالاردى دامىتۋ ورتالىقتارى, توپتىق ۇيىرمەلەر (بەس بالادان اسپاۋى كەرەك) جۇمىسىن باستايدى. بالالاردىڭ مەكتەپكە دەيىنگى مەكەمەلەرىنە دە كەزەكشى توپ رەجيمىندە جۇمىس ىستەۋگە رۇقسات. ءسان-سالوندارى, شاشتارازدار, كوسمەتيكالىق قىزمەت كورسەتەتىن ورتالىقتار مەن سالوندار, مانيكيۋرلار مەن پەديكيۋرلار (الدىن الا جازىلۋ بويىنشا) دا اشىلادى", - دەدى مينيستر.