تۇركستان وبلىسى سايرام اۋدانىنىڭ يمامدارى ەلدەگى يگى باستامانى جالعاستىرىپ, 3,5 ملن تەڭگەگە مەديتسينالىق جابدىق الۋعا دەمەۋشىلىك تانىتتى, دەپ حابارلايدى Egemen.kz
ولار ناۋقاستىڭ وكپەسىنە بارىپ تۇرعان وتتەگىنىڭ شاماسىن انىقتايتىن پۋلسوكسيمەتردىڭ 10 داناسىن, "بوبروۆ" وتتەگى كونتسەنتراتىنان 10 دانا جانە 10 رەدۋكتور الىپ بەردى. اتالعان مەديتسينالىق جابدىقتاردى سايرام اۋداندىق اۋرۋحاناسى مەن ەمحاناسىنا تۇركىستان وبلىسى بويىنشا باس يمام مۇسابەك قاجى اقتامبەردى تابىستادى. قازىر اۋدان اۋرۋحانالارىندا 41 ادام COVID-19 ىندەتىمەن, 394 ناۋقاس وكپەنىڭ قابىنۋىنا (پنەۆمونيادان) قارسى ەم الۋدا.
سايرام اۋدانى مەشىتىنىڭ يمامدارى مەن ەرىكتىلەر دەرتىنە داۋا, جانىنا شيپا ىزدەگەن ناۋقاستاردىڭ ءومىرىن ساقتاپ قالۋعا باعىتتالعان قمدب زەكەت قورى "ومىرگە ءۇمىت سىيلا" جوباسى اياسىندا وسىلاي ءوز ۇلەستەرىن قوستى.