"Tamasha TV" تەلەارناسى جۇمىسىن توقتاتادى

"الەمدىك پاندەميا بۇقارالىق اقپارات قۇرالدارى سالاسىنا كەرى اسەرىن تيگىزۋدە. قازاقستان تەلەنارىعىنداعى جارنامادان تۇسەتىن تابىس كۇرت تومەندەدى. كەلەسى جىلعى بولجام دا كوڭىل كونشىتەرلىك ەمەس. وسى كۇنگە دەيىن "قازاقستان" تەلەراديوكورپوراتسياسىنىڭ "Tamasha TV" تەلەارناسى جارنامادان تۇسەتىن تابىس نەگىزىندە قارجىلاندىرىلىپ كەلگەن. "Tamasha TV" تەلەارناسى قازاقستانداعى ويىن-ساۋىقتىق باعىتتاعى العاشقى ارنا بولىپ 2018 جىلدىڭ 1 قىركۇيەگىندە ەفيرگە شىقان بولاتىن.  تەلەارنا كونتەنتىن You Tube جەلىسىندەگى http://youtube.com/qazaqstantv  "Qazaqstan TV" كانالىنان كورۋگە بولادى", - دەلىنگەن تەلەراديوكورپوراتسيانىڭ حابارلاماسىندا.

ايتا كەتۋ كەرەك, نارىقتاعى قيىندىققا قاراماستان "قازاقستان" رەسپۋبليكالىق تەلەراديوكورپوراتسياسىنىڭ مەديااكتيۆتەرى ۇلتتىق قۇندىلىقتاردى ناسيحاتتاپ, ەتنوسارالىق بىرلىكتى نىعايتۋ باعىتىنداعى جۇمىسىن ودان ءارى كۇشەيتە تۇسەدى. بۇل رەتتە بيىلعى جىلدىڭ 30 ماۋسىمىنان باستاپ اشىلعان "Abai tv" مادەني-اعارتۋ تەلەارناسىنا ارتىلار جۇك اۋىر. ارنا "Otau TV" ۇلتتىق سپۋتنيكتىك وپەراتورى, "Alma TV", "ID TV" كابەلدىك جەلىلەرى ارقىلى قازاق جانە ورىس تىلدەرىندە تاۋلىگىنە 17 ساعات حابار تاراتادى.